عبدالله خالد الصقيه

حبيبي الليله اللي بين شوق وْ أسى يا جعلها ما تسريني على فالها ابحر بي الوجد في بحر الهموم و رسى مسافةٍ ما انحسد من عايَش اهوالها يا ليت بكره يقدّم موعده بالمسا قبل انطق الكلمه اللي ذلّ من قالها من كبّل الشوق بـ اصفاد الكِبر والقسى يعْرِف يهجر الديار و يبكي اطلالها حتى لو القلب من صلف الطبوع اكتسى خطواتك الشوق و الاعذار تبرا لها

يْتهيا الليل.. و النوم يْتهيا " مايعرف الشوق، خمام الوسايد " للخيّال وصال، كان الصدق عيّا علم طيوفك.. لا تحرمني العوايد كل يوم يمرّ في عمر الجفيّا الوله.. تكبر سنينه ويتزايد كان عقلي ضد يوم القلب ويّا وانا ظالم.. ما عرف ياقف محايد يتحيّز لك غلا ، مدري حميّا دافعه؛ حب وتقاليد وعوايد كيف ترسم مجمل وصوفك يديّا ؟ وانت عين تعزي.. وْ مبسم يعايد كل بيتٍ فيك يا سمح المحيّا شايفٍ نفسه، على كل القصايد

مافيه اصدق من دموع اليتيم الا مديح الغيب ما يلحقه الريا و المصلحه، و الطيب متسامي لا تنشد عني اللي بيني وبينه مزارق طيب تنَشّد عني اخصامي.. انا تنصفني اخصامي

يموت الشوق في راحة يدينك والوعد ما زل أمانه ، دثريني من عذاب الشوق بـ أحضانك على بحرك غريقٍ ما يشوف إن المراسي حَل لقى دافع حياته ، موته لْـ لولك و مرجانك ما يكفيني قليلك ، لو يكفّي من يشوفك ظِل تعبت اغبط مرايا غرفتك، و عيون جدرانك شرق نورك مثل ما تشرق الشمس و سحابك هلّ على خوف الليالي و الضما .. حاوطني أمانك يقولون النفوس تملّ ؟ لا والله ماهي بـ تملّ حشّى من يملكك ، ما فكّر بـ غيرك ولا خانك

حاوطتني الذكريات و للقصايد وقفه لـ القلوب اللي على أسر الكلام اعتادت يا حبيبٍ راح صدفه مثل ما جا صدفه كلمةٍ تسترجعك.. حاولتها، ما فادت انت لحظه في زمانٍ قد تلقّى حتفه وانا ماني رهن فرصه ( رادت او ما رادت ) في حسافة من مشى دربه وعينه خلفه الأسف - بإن المشاعر لا رحلت ما عادت ذاخرٍ لـ عيونك الثنتين .. شعر و لهفه للصدف، يوم إن مواعيدي معك ما جادت