Sumairakhan🌹🌹💖

ڈاکٹر شہباز گل نے تقریباً سارے صحافیوں اور ساری پارٹی کو غدار بنانے کے بعد اب سہیل آفریدی کو غدار بنایا پھر ریکشن آنے پہ دیوتا کہنا شروع کر دیا۔ کچھ حضرات ڈاکٹر صاحب کی ویورشپ سے گھبراتے بات نہیں کرتے کہ ان کے خلاف بات کرنے سے پولیٹیکل کیریئر تباہ نہ ہو جائے کیونکہ گل صاحب اور ان کی ٹیم اور اتحادی باقائدہ ایک سیاست دان کا آن لائن جینا حرام کر سکتے ہیں، اور کچھ لوگ گل صاحب کو گندے بگڑے ہوئے بدتمیز بچے کی طرح محفل میں اپنا اپنا دامن بچا کے برداشت کرتے ہے ، بچے کو اپنا آپ بادشاہ محسوس ہونا شروع ہو جاتا ہے۔ اب اندازہ لگائیں ڈاکٹر شہباز گل نے سہیل آفریدی کی عوامی پزیرائی کو مائنس عمران خان فارمولا قرار دیا ہے، گل صاحب پھر تو آپ کی شہرت بھی عمران خان مائنس فارمولے کے تحت آتی ہے۔ پھر محسن نقوی کو عاصم منیر کا باس بنا دیا۔ اب کہیں گے مراد سعید کے گھر والوں کو بےدخل کر کے عاصم منیر اس کو ہیرو بنا رہا ہے۔😑 (نوٹ ۱: سہیل آفریدی اور مراد نہ میرے رشتہ دار ہیں نہ ان کی اتنی اوقات ہے کہ مجھے کچھ دے سکیں، یہاں دوستی بھی نظریے کی اور دشمنی بھی۔) (نوٹ ۲: ابھی تک گل صاحب میرے کچھ دن پہلے کیئے سوالات کا جواب نہیں دے سکے ) آگے چلتے ہیں جو سمجھنے والی بات ہے وہ یہ کہ مائنس عمران کامطلب کوئی مختلف لیڈر نہیں بلکہ یہ ہے کہ عمران خان کی پیغام رسانی کو ایسے کنٹرول کرنا کہ صرف فیلڈ مارشل کے فائدے والے بیانات باہر آئیں۔ اس کو حاصل کرنے کے لیے ضروری ہے کہ پیغام رساں بیرسٹر سیف یا ان کی طرح کا کوئی اور بندہ ہو، جو جرنیلوں کے مطابق چلے۔ اس کو حاصل کرنے کے لیے یہ بھی ضروری ہے کہ جو دو چار بندے PTI کور کمیٹی میں بولنے والے ہیں، انہیں بھی سائیڈ لائن کیا جائے اور طاقت پارلیمانی کمیٹی کو دی جائے — جو لوگ ایفیڈیوٹ دے کر پارلیمان میں آئے ہیں۔ اس کے لیے ضروری ہے کہ بیانیہ بنایا جائے، جس کے لیے مارچ 2027 میں سینیٹ کی 48 نشستوں پر الیکشن کو ہڈی کے طور پر استعمال کیا جائے، جس کے گرد ہر طرح کے سورما رالیں ٹپکا رہے ہیں اور کھلے عام یا پسِ پردہ ہر قسم کی واردات ڈالنے کو تیار ہیں۔ یہاں مشال یوسفزئی کا نام سرفہرست ہے، ان کا الیکشن بھی مارچ 2027 میں ہونا ہے۔ سینیٹر سیف اللہ نیازی، سینیٹر بیرسٹر علی ظفر اور سینبیٹر فوزیہ ارشد سمیت یہ سب پی ٹی آئی کور کمیٹی سے طاقت پارلیمانی کمیٹی میں منتقل کروانے میں پیش پیش ہیں۔اعظم سواتی نے بھی اپنا کَٹا کھولا ہوا ہے۔ اندازہ اس بات سے بھی لگایا جا سکتا ہے کہ اس وقت بیرسٹر سیف کے حق میں فواد چوہدری اور عمران اسماعیل بھی ہیں۔ مائنس عمران کا دوسرا پہلو عمران خان کے وفادار گروپ کو سائیڈ لائن کرنا ہے۔ اب اس میں کون ہے اور کون نہیں ہے، یہ ایک اور بحث ہے لیکن اپنے اتحادی ڈھونڈنے کا ایک طریقہ یہ بھی ہے کہ آپ لوگوں کے دشمن دیکھ لیں۔ جرنیل ایک تابع دار وزیراعلیٰ چاہتے تھے، نہ کہ گورنر راج۔ اب بھی اگر ان کو یہ میسر آ جائے تو وہ گورنر راج ہٹا دیں گے۔ اس کو بھانپتے ہوئے علی امین گنڈاپور اس وقت اسلام آباد بیٹھے ہیں اور 30 ایم پی اے ساتھ ہونے کا دعویٰ بھی کر رہے ہیں، جو کہ سچ معلوم ہوتا ہے، کیونکہ حکومت جانے سے ان ارکان کا اثر و رسوخ اور مال پانی بھی کم ہوتا ہے۔ یہاں ڈاکٹر شہباز گل اور علی امین قدرتی اتحادی بنتے ہیں، اور دونوں ہی سہیل آفریدی اور مراد سعید سے ایک جتنا پیار رکھتے ہیں۔ ڈاکٹر صاحب کی کلر انسٹنکٹ اس دفعہ ان کو دھوکہ دے گئی (Hubris)۔ اس سے پہلے کہ سہیل آفریدی ہیرو بنتا، ان سب نے مل کر اس بحث کا رخ عاصم منیر اور گورنر راج سے ہٹا کر پابندِ سلاسل سہیل آفریدی کی طرف موڑ کر اور اسے غدار بنا کر تحریک کے ساتھ بڑی زیادتی کی، اور پنجابی جرنیلوں کی روایات برقرار رکھتے ہوئے اس پر ڈٹ گئے۔ 28ویں آئینی ترمیم کے لیے ضروری ہے کہ اس کے پاس ہونے کے فوراً بعد بیرسٹر سیف عمران خان کا پیغام لے کر باہر آئیں اور کہیں کہ خان صاحب نے اس کی سخت ترن الفاظ میں مذمت کی ہے اور علی محمد خان کو پارٹی کا چیئرمین بنا دیا ہے اور اب وہ اس تحریک کو عاصم منیر کے خلاف لیڈ کریں گے۔