سید ثقلین حیدر

حضرت فاطمہ زہراء سلام اللہ علیھا سے روایت ہے کھانے کی میز پر کھانے کے بارہ آداب ہیں جنہیں ہر مسلمان کو جاننا چاہیے۔ ان میں سے چار واجب، چار مستحب (سنت) اور چار آدابِ طعام ہیں۔ • واجب امور 1۔ نعمت کی قدر و معرفت رکھنا۔ 2۔ اللہ تعالیٰ کی عطا کردہ روزی پر راضی اور قانع رہنا۔ 3۔ کھانا کھانے سے پہلے اللہ تعالیٰ کا نام لینا (بسم اللہ کہنا)۔ 4۔ اللہ تعالیٰ کا شکر ادا کرنا۔ • مستحب امور 1۔ کھانا کھانے سے پہلے وضو کرنا۔ 2۔ بیٹھ کر کھانا کھانا۔ 3۔ بائیں جانب بیٹھنا (کھاتے ہوئے بائیں پہلو پر بیٹھنا) 4۔ تین انگلیوں سے کھانا کھانا • کھانے کے آداب 1۔ اپنے سامنے سے کھانا کھانا۔ 2۔ چھوٹے چھوٹے لقمے لینا۔ 3۔ کھانے کو اچھی طرح چبا کر کھانا۔ 4۔ دوسروں کے چہروں کی طرف کم دیکھنا۔ عوالم، ج11 ص629۔

امام زین العابدین علیہ السلام قسم اس خدا کی کہ جس نے محمد صلی اللہ علیہ وآلہ وسلم کو برحق بشیر و نذیر بنا کر بھیجا، ہم اہل بیت(علیہم السلام) کے نیکوکار افراد اور ہمارے شیعہ، موسٰی۴ اور ان کے شیعوں کی مانند ہیں،  ہمارے دشمن اور ہمارے شیعوں  کے دشمن فرعون اور اس کے پیروکاروں کی مانند ہیں مجمع البيان، ج7 ص 239.

امام علی علیہ السلام عزت کے ساتھ غربت پر صبر کرنا ذلت کے ساتھ دولت مندی سے زیادہ افضل ہے۔ غرر الحکم

امام علی علیہ السلام غیبت کرنا کمزور آدمی کی آخری کوشش ہوتی ہے غرر الحکم

امام محمد باقر علیہ السلام جس کی نیت اچھی ہوگی اس کے  رزق میں اضافہ ہو گا بحارالانوار، ج78 ص175۔

امام علی علیہ السلام (اللہ کی تقسیم پر) راضی رہ کہ تو راحت پائے حکمت بو تراب۴

امام موسیٰ کاظم علیہ السلام اے ہشام! لقمان۴ نے اپنے بیٹے سے کہا تھا حق کے سامنے عاجزی اختیار کرو، تم لوگوں میں سب سے زیادہ عقل مند بن جاؤ گے۔ اے میرے بیٹے! دنیا ایک گہرا سمندر ہے، جس میں بہت سے لوگ ڈوب چکے ہیں۔ لہٰذا اس سمندر میں تمہاری کشتی تقویٰ الٰہی ہو، اس کا سامان ایمان ہو، اس کا بادبان توکل ہو، اس کا نگہبان عقل ہو، اس کا رہنما علم ہو اور اس کے مسافر صبر ہوں۔ تحف العقول، ص386۔

امام جعفر صادق علیہ السلام جب کوئی بندہ چھپ کر گناہ کرتا ہے تو اس کا نقصان صرف اسی شخص تک محدود رہتا ہے جو گناہ کرتا ہے، لیکن جب وہ علانیہ گناہ کرتا ہے اور کوئی اسے اس گناہ سے روکنے کی کوشش نہیں کرتا تو اس کا نقصان پورے معاشرے تک پہنچتا ہے۔ قرب الإسناد، ص26۔

امام علی علیہ السلام چار چیزیں (عادات) مرد کو عیب دار بنا دیتی ہیں کنجوسی جھوٹ حرص پروری (لالچ) اور بد اخلاقی غرر الحکم

امام موسیٰ کاظم علیہ السلام اپنے وقت کو چار حصوں میں تقسیم کرنے کی کوشش کرو: ایک وقت اللہ تعالیٰ سے مناجات کے لیے، ایک وقت معاش اور روزی کمانے کے لیے، ایک وقت بھائیوں اور قابلِ اعتماد لوگوں کے ساتھ میل جول کے لیے، جو تمہاری خامیوں سے تمہیں آگاہ کرتے ہیں اور دل سے تمہارے خیرخواہ ہوتے ہیں، اور ایک وقت حلال لذتوں اور جائز تفریح کے لیے۔ اور اس آخری وقت کے ذریعے تم باقی تین اوقات کے کاموں کو بہتر طریقے سے انجام دینے کی طاقت حاصل کر سکتے ہو۔ تحف العقول، ص409۔

امام علی علیہ السلام احسان کرو اور لوگوں کو اپنا غلام بنا لو حکمت بو تراب

امام جعفر صادق علیہ السلام جس شخص کو پیٹ کی شکایت یا تکلیف ہو، اسے چاول کی روٹی کھانی چاہیے؛ کیونکہ پیٹ میں داخل ہونے والی چیزوں میں اس سے زیادہ نفع بخش کوئی چیز نہیں۔ چاول کی روٹی معدے کو صاف اور مضبوط کرتی ہے اور بیماری کو جڑ سے ختم کر دیتی ہے۔ الکافی ج6، ص305۔

حضرت فاطمہ زہراء سلام اللہ علیہا مجھے تمہاری دنیا کی تین چیزیں پسند ہیں۔ 1️⃣ قرآن کی تلاوت 2️⃣ چہرۂ رسول اللہ کی زیارت 3️⃣ راہ خدا میں خرچ کرنا موسوعة الكبرى ج22 ص600۔

امام جعفر صادق علیہ السلام جو کوئی بھی دعا کرے اور آخر میں ماشاءاللہ لا حول و لا قوۃ إلا باللہ کہے تو اس کی حاجت مستجاب (پوری) ہو گی ثواب الاعمال

امام جعفر صادق علیہ السلام جس گھر میں غِناء (گانا بجانا) ہوتا ہے، وہ ناگہانی مصیبتوں (حادثوں) سے محفوظ نہیں رہتا، وہاں دعا قبول نہیں ہوتی اور فرشتہ اس گھر میں داخل نہیں ہوتا الکافی، شیخ کلینی، ج6 ص433۔

15 جمادی الاول میلادِ مسعود امام زین العابدین علیہ السلام مبارک ہو ❤❤