نـور مـائـيـر

اب کے ہم پیاس کے مارے بھی نہیں آئیں گے ہم بہ یم آپ پکارے بھی نہیں آئیں گے رائیگانی وہ عالم ہے کہ یوں لگتا ہے میرے حصے میں خسارے بھی نہیں آئیں گے کوئی گرداب نہیں آ ئے گا اب پیش سفر اور ستم یہ ہے کنارے بھی نہیں آئیں گے اور اتنی بے زار ہیں آنکھیں کہ خدا جانتاہے ہم کو اب خواب تمہارے بھی نہیں آئیں گے ایسے چھوڑیں گے تیرا شہر کہ ہم اس کی طرف گردشِ وقت کے مارے بھی نہیں آئیں گے ظہیر مشتاق رانا

#سحر_بیاں میں آج کے منتخب شاعر (صفی اورنگ آبادی)

*مولوی صاحب اور معاشرتی المیہ* مولوی صاحب پر ڈپریشن کا شدید حملہ ہوا تھا اور وہ رقت بھری آواز میں گڑگڑا گڑگڑا کر دعا مانگ رہے تھے۔۔۔ یا اللہ! میں بڑا ہی کمینہ بندہ ہوں۔۔۔ *مجمعے نے زوردار آواز لگائی: آمین!* یا اللہ! میں بڑا پاپی انسان ہوں۔۔۔ *مجمعے نے نعرہ لگایا: آمین!* یا اللہ! ہر صغیرہ کبیرہ گناہ میرے اندر ہے۔۔۔ *مجمعے نے اور زور سے کہا: آمین!* یا اللہ میں۔۔۔۔۔ بات ابھی مولوی صاحب کے منہ میں ہی تھی کہ مجمعے نے فلک شگاف نعرہ بلند کیا: *آآآآآآآآآآآآآآآمین!!!* مولوی صاحب کا تراہ نکل گیا اور ڈپریشن ایک دم ختم ہو گیا۔ مولوی صاحب واپس اپنی اصل میں آ گئے، کہنے لگے: *"بے غیرتو! تسی وی کج کیتا اے یا سارے گناہ میں ای کر چھڈے نے؟"* مجمعے نے کمزور سی آمین کہی۔۔۔ پھر مولوی صاحب نے اصل دعا شروع کی: یا اللہ! راجہ صاحب کی دنبی کی قربانی قبول فرما اور اس کا ثواب اس بکروال کو عطا فرما، جس کی یہ دنبی راجہ صاحب نے چوری کی تھی۔۔۔ *ایک آمین کم ہو گئی۔* یا اللہ! ملک صاحب جو شادی شدہ عورت بھگا کر لے گئے تھے، وہ تینوں بچوں سمیت ان کو معاف فرما۔۔۔ *ایک اور آمین کم ہو گئی۔* یا اللہ! ان بٹ صاحب کو دیکھ، چہرے سے ہی لگ رہا ہے ہفتے سے کچھ نہیں کھایا۔ یا اللہ ان کو وہ 20 کنال زمین معاف فرما جو یہ کسی غریب کاشتکار کی دبا کر بیٹھے ہیں اور وہ بیچارہ پھٹے کپڑوں کے ساتھ محنت مزدوری کر کے روٹی کماتا ہے۔۔۔ *ایک اور آمین کم ہو گئی۔* یا اللہ! یہ اپنے حاجی صاحب جو صبح صبح ٹھنڈے پانی سے وضو کر کے اذان دیتے ہیں، ان کی اذان بھی قبول فرما، اور عصر کی نماز کے بعد جو دوسروں کی فصل چوری کاٹ کر اپنی گائیوں کو ڈالتے ہیں اور اسی وضو میں مغرب کی نماز بھی پڑھتے ہیں، یا اللہ اتنا مضبوط وضو قبول و منظور فرما۔۔۔ *ایک اور آمین کم ہو گئی۔* یا اللہ! فیروز خان کی تراویح کو قبول فرما اور اس تراویح کے صدقے ان کا روزے نہ رکھنا معاف فرما دے۔۔۔ *ایک اور آمین کم ہو گئی۔* یا اللہ! محمد حسین کو گلے کے کینسر سے محفوظ رکھ جو لوگوں کی گائے بھینس کو آٹے میں سوئیاں کھلا دیتا ہے اور وہ بھوکے پیاسے تڑپ تڑپ کر ذبح ہو جاتے ہیں۔۔۔ *ایک اور آمین کم ہو گئی۔* یا اللہ! میرے مولا لیاقت حسین کو مثانے کے کینسر سے محفوظ رکھ جو ہر اس گائے بھینس کے تھن درانتی سے کاٹ دیتا ہے جو اس کی فصل میں گھس آتی ہے۔۔۔ *مسجد میں سناٹا چھا گیا۔۔۔* پھر مولوی صاحب نے آخری دعا کی: یا اللہ! ان سب گنہگاروں کی روٹی کھا کھا کر مجھ ناچیز سے بھی جو گناہ سرزد ہو گئے ہیں، ان سے درگزر فرما۔۔۔ *سب کی طرف سے مجھ اکیلے کی آمین،ثم آمین ۔

#سحر_بیاں میں آج کے منتخب شاعر جناب (خورشید رضوی)

کتنے عیش اُڑاتے ہوں گے، کتنے اِتراتے ہوں گے جانے کیسے لوگ وہ ہونگے جو اُس کو بھاتے ہوں گے شام ہوئے خوش باش یہاں کے میرے پاس آ جاتے ہیں میرے بجھنے کا نظّارہ کرنے آ جاتے ہوں گے تم جانو میں سیدھا سادہ پھر تو یہ صد شیوہ خوباں میرے بہکاوے میں آ کر‘ مجھ کو بہکاتے ہوں گے وہ جو نہ آنے والا ہے نا، اُس سے ہم کو مطلب تھا آنے والوں سے کیا مطلب، آتے ہیں، آتے ہوں گے اُس کی یاد کی بادِ صبا میں اور تو کیا ہوتا ہوگا یوں ہی میرے بال ہیں بکھرے اور بکھر جاتے ہوں گے یارو! کچھ تو حال سناؤ اُس کی قیامت بانہوں کا وہ جو سمٹتے ہوں گے اُس میں وہ تو مر جاتے ہوں گے بند رہے جن کا دروازہ ایسے گھروں کی مت پوچھو دیواریں گر جاتی ہوں گی، آنگن رہ جاتے ہوں گے میرے سانس اُکھڑتے ہی سب بین کریں گے رؤئیں گے یعنی میرے بعد بھی یعنی، سانس لیے جاتے ہوں گے سید جون ایلیا کتاب: یعنی غزل

لفظ سے بھی خراش پڑتی ہے تبصرہ , سوچ کر کیا کیجیے ! جھوٹ سے بھی برا ہے آدھا سچ اس سے بہتر ہے چپ رہا کیجیے! “امجد اسلام امجدؔ”