Silent voice

لاہور کی کچی آبادی میں انیس سالہ لڑکی نے ایک بچے کو بسکٹ دینے کی کوشش کی۔ بچے نے بسکٹ لینے سے انکار کردیا اور کہا کہ اسے کاپی اور پنسل چاہیے۔ اس ایک جملے نے لڑکی کی زندگی بدل دی، اور آج اس کے قائم کردہ ادارے سے تقریباً ایک ہزار بچے تعلیم حاصل کررہے ہیں! 2005 میں لاہور کی انیس سالہ طالبہ فرح دیبا اکرم کو لکھنے پڑھنے اور لوگوں کی زندگیوں کے بارے میں جاننے کا شوق تھا۔ وہ شہر کے مختلف علاقوں میں جاکر لوگوں کے حالات دیکھتیں اور اپنی ڈائری میں ان کے بارے میں لکھتی تھیں۔ ایک دن وہ کوٹ لکھپت کی ایک غریب بستی میں پہنچیں، جہاں کچھ بچے ان کے اردگرد جمع ہوگئے۔ فرح کے بیگ میں بسکٹ رکھے تھے۔ انہوں نے ایک بچے کو بسکٹ دینے چاہے، مگر بچے نے ایسی بات کہہ دی جس نے انہیں اندر تک متاثر کیا۔ اس نے بسکٹ لینے کے بجائے کاپی اور پنسل مانگ لی۔ فرح کو احساس ہوا کہ یہ بچے صرف کھانے کے محتاج نہیں، بلکہ تعلیم بھی حاصل کرنا چاہتے ہیں۔ ان کے پاس کتابیں نہیں تھیں، مناسب اسکول موجود نہیں تھا اور بہت سے والدین اپنے بچوں کو پڑھانے کے اخراجات برداشت نہیں کرسکتے تھے۔ فرح نے فیصلہ کیا کہ وہ ان بچوں کو پڑھائیں گی۔ اس وقت وہ خود طالبہ تھیں، نہ ان کے پاس کسی تعلیمی ادارے کا تجربہ تھا اور نہ کوئی بڑا سرمایہ، مگر انہوں نے اپنی کوشش شروع کردی۔ وہ روزانہ کوٹ لکھپت کے صنعتی علاقے میں جاتیں اور ایک درخت کے نیچے بچوں کو پڑھانے لگتیں۔ یہ علاقہ غربت اور مختلف سماجی مسائل کا شکار تھا۔ بہت سے بچوں کے لیے تعلیم روزمرہ زندگی کا حصہ ہی نہیں تھی۔ فرح نے ان کے والدین سے رابطے شروع کیے اور انہیں سمجھایا کہ اگر بچے پڑھ لکھ جائیں تو ان کے لیے مستقبل میں بہتر مواقع پیدا ہوسکتے ہیں۔ کچھ عرصے بعد انہوں نے اسی علاقے میں چار مرلے کا ایک مکان کرائے پر لیا اور اسے اسکول میں تبدیل کردیا۔ پہلے مرحلے میں ساٹھ بچوں کا داخلہ ہوا۔ فرح خود ہی بچوں کو پڑھاتی تھیں اور اسکول کے انتظامی معاملات بھی سنبھالتی تھیں۔ اساتذہ کی تنخواہیں، کتابیں اور دوسرے اخراجات پورے کرنے کے لیے وہ اپنا جیب خرچ استعمال کرتیں، جبکہ ان کے والد محمد اکرم بھی مالی مدد فراہم کرتے تھے۔ رفتہ رفتہ گھر والے اور دوست بھی ساتھ شامل ہونے لگے۔ 2008 میں معروف صحافی اور شاعر منو بھائی نے فرح کے اسکول کا دورہ کیا اور ان کی کوششوں کے بارے میں ایک کالم لکھا، جس کا عنوان تھا ‘نکی جئی کڑی’۔ اس تحریر کے بعد بہت سے لوگوں کو معلوم ہوا کہ لاہور کی ایک نوجوان لڑکی اپنی تعلیم کے ساتھ غریب بچوں کے لیے اسکول چلا رہی ہے۔ مزید لوگوں نے اس کام میں تعاون شروع کردیا۔ فرح نے جلد سمجھ لیا کہ صرف بچوں کو اسکول بھیجنا کافی نہیں۔ اگر کسی بچے کے گھر میں کھانے کا انتظام نہ ہو تو اس کی تعلیم بھی متاثر ہوتی ہے۔ چنانچہ 2010 میں عالم بی بی فوڈ شاپ قائم کی گئی، جہاں روزانہ ڈھائی سو سے زیادہ لوگوں کے لیے کھانے کا انتظام کیا جانے لگا۔ اسی عرصے میں خواتین کو سلائی کڑھائی کی تربیت دینے کا سلسلہ بھی شروع ہوا تاکہ وہ کوئی ہنر سیکھ کر اپنا روزگار حاصل کرسکیں۔ 2012 میں ایک طبی مرکز قائم کیا گیا، جہاں بچوں اور مقامی لوگوں کو کم خرچ پر طبی سہولتیں ملنے لگیں۔ طلبہ کے لیے معائنے کی فیس بھی معاف رکھی گئی۔ بعد میں مریدکے میں دوسرا اسکول قائم ہوا اور 2023 میں ایک بڑے نئے تعلیمی کیمپس کی بنیاد رکھی گئی۔ عالم بی بی فاؤنڈیشن کے 2024 کے ریکارڈ کے مطابق اس کے دو کیمپس میں تقریباً ایک ہزار طلبہ زیرِ تعلیم تھے، جبکہ ادارے کے کھانے کے منصوبے سے مجموعی طور پر تقریباً دس لاکھ کھانے فراہم کیے جاچکے تھے۔ یہ وہی کوشش تھی جس کی ابتدا ایک درخت کے نیچے چند بچوں کو پڑھانے سے ہوئی تھی۔ فرح دیبا اکرم کی کہانی کا سب سے خوبصورت پہلو یہ ہے کہ اس نے ایک بچے کی خواہش کو معمولی بات سمجھ کر نظر انداز نہیں کیا۔ بچے نے بسکٹ کے بجائے کاپی اور پنسل مانگی تھی، اور فرح نے اس کی بات کو سنجیدگی سے لیا۔ آج اسی فیصلے سے سینکڑوں بچوں کے لیے تعلیم کے دروازے کھلے ہیں۔ ہم اکثر سمجھتے ہیں کہ دوسروں کی زندگی بدلنے کے لیے بہت زیادہ پیسے یا وسائل چاہییں، مگر کبھی کبھی اس کی ابتدا صرف اتنی سی بات سے ہوتی ہے کہ ہم کسی بچے کی خواہش سنیں اور اسے پورا کرنے کی کوشش کریں۔

بڑی بڑی پھپھے ُکٹنیاں دیکھی ہیں ، مگر یہ وسیم والے معاملے نے تو مجھے بھی ورطہ حیرت میں ڈال دیا ، وسیم وہ لڑکا ہے جِسے توقیر نے رائل آرچرڈ سوسائٹی میں اپنی گاڑی تلے کچل دیا تھا ، ملزم پکڑا گیا، فل فرائی ہو گیا ، خیر تھوڑا سا پیچھے چلتے ہیں یہ تصویر میں آنسو بہاتی ہوئی عورت وسیم کی والدہ ہے۔ اس نے دوسری شادی کر لی تھی اور نئے شوہر نے جو کہ چچا ہی لگتا تھا ، اپنے بھائی کے کمسن بیٹے کو قبول کرنے سے انکار کر دیا ، اب وسیم کو یتیم خانے میں جمع کروا دیا گیا ، اور بھول گئے کہ ہمارا کوئی بیٹا وسیم بھی تھا ، وسیم نے اپنا بچپن یتیم خانے میں گزارا ماں کی محبت اور باپ کی شفقت کے بغیر ، بہن کے پیار اور بھائیوں کے ہنسی مذاق کے بغیر ، تھوڑا بڑا ہوا تو الیکٹریشن کا کام سیکھنے لگا ، جس نے کچلا وہ وسیم کا ٹھیکدار تھا ، کام کے دوران بے جا سختی نے وسیم کو بد دل کر دیا ، اور کہا جا رہا ہے کہ دوران کام اسے ہراساں بھی کیا جاتا رہا ، جس کی وجہ سے وہ کام چھوڑ کر بھاگ کھڑا ہوا اور توقیر ٹھیکدار نے گاڑی لے کر پیچھا کیا اور کچل دیا۔۔! وسیم زندہ تھا تو کوئی اسے پوچھنے والا نہیں تھا ، جیسے ہی وہ مرا ، کونوں کھدروں سے اس کے رشتے دار نکل آئے۔ وہ جیسے بارش کے بعد مینڈک نکل آتے ہیں اور لگتے ہیں ٹرٹرانے، یہاں تک کہ بچے کا ننھیال اور نانا بھی صحیح سلامت ہے وہ سب مل کر بھی اپنے گلشن کے پھول کو نہ سنبھال سکے اب یہ عورت دہائیاں دے دے کر ٹسوے بہا رہی ہے اور عوام کی ہمدردیاں سمیٹنے کی کوشش کر رہی ہے، یہ کوشش ہے امدادی رقم حاصل کرنے کے لیے، میرے خیال میں انہیں بالکل بھی رقم نہیں دی جانی چاہیے بلکہ ان رشتہ داروں کو چھتر مارے جانے چاہییں جنہوں نے اسے یتیم خانے میں ڈال دیا اور پھر خبر ہی نہ لی۔۔! آپ کیا کہتے ہیں ؟ منقول