التدرج فـ القصيدة روعه
البارحه مابرح قلبي يحس بزحام
ياليتها ليلة اخر حزن ياليتها
وياليت مافي قفص صدري حروب وحطام
والامنيه ماتحقق لو تمنيتها
اخترت من ديرة الهوجاس هاجس سلام
وانا على هقوتي لامن تهقويتها
والجادل اللي تعداها قصيد الملام
ياليتني ماتهورت وتحديتها
احبها صح بس احبها بإحترام
حتى من النفس صاينها ماضريتها
كتبت فيها البيوت اللي بعضها حرام
وانا علي الحرام اني مامسيتها
اطهر من الغيث لامنة وطاة الغمام
وانقا من انقى هناديبي لا غنيتها
اخر لقاء بيننا على بساط الغرام
سويت فيها قصيده وانسرق بيتها
رحلت عن بيتها من قبل وقت المنام
ونمت وخذتني مناماتي على بيتها
احزانها تحزن الاغصان قبل الحمام
وادموعها ترهق اعماقي لامشيتها
شميت ريحة ملابسها قبل كم عام
واستغرب اني اذا حنيت شميتها
الحاصل ان الكلام اللي عليه الكلام
وصيتها لاتخليني ... وخليتهاااااا
- محمد الحمادي
الحب لو ياخذ علينا ؟ ماخذا
الراس ماهو خاضع ل ملكيّتك
انا اختلف ايه اختلف لني كذا
شخصيّتي ماهي مثل شخصيّتك
{ لا حبذا } ان جيتني او { حبذا }
ماهي بتفرق روحتك او جيّتك
اتفق وياك ،،، ان ريحك شذا
وان المفاتن كلّها شكليّتك
واتفق ايضاً على وجهك لذا
كل الحساني ماتكفّر سيّتك
و ابختلف وياك من باب الاذا
ان كل حاجه صح الّا نيّتك
الحب لو ياخذ علينا ؟ ماخذا
الراس ماهو خاضع ل ملكيّتك
انا اختلف ايه اختلف لني كذا
شخصيّتي ماهي مثل شخصيّتك
فهد قليب الذيب
صامدٍ في وجه الأقدار .. وأحكام الظروف !
ثم طرحني حب عذرًا ترفها نخبوي
/
مابقى لي عقبها غير تصفيق الكفوف
والسلوم اللي تقيّد كل رجال بدوي
انفرا قلبي من الضيق بوداع العيوف
كن مالي راسٍ اصوك ولا قلبٍ قوي
صامدٍ في وجه الأقدار .. وأحكام الظروف !
ثم طرحني حب عذرًا ترفها نخبوي
ماجنيت من الهوى غير غبن وحرّ جوف
والسعاير بالحنايا وقدها مجذوي
ترفةٍ لا فلّت الليل من فوق الكتوف
ياعذابي لادنا الليل والليل سروي !
لا تمثنت ساحة اللعب من بين الصفوف
قامت الأبصار تشخص .. وتزويها زوي !
خصرها ماينوصف لو تكاثرن الوصوف
جايعٍ ضميان والردف راهي مرتوي
بنت شيخٍ يذبح الحِيل قدرًا للضيوف
طيّبٍ راسه وساسه مردد وحموي
دونها بـ آرد على الموت وحياض الحتوف
حتى لو ان دونها الذيب يهرف ويعوي
مابقى لي عقبها غير تصفيق الكفوف
والسلوم اللي تقيّد كل رجال بدوي
11
386
إن بار حظي ما والله تسمع عتابي
ما للمشاريه في درب الغلا جرّه
الجديد :
يامايق الطول انا من فايض إعجابي
جيتك وحلمي سما ماجيتك اجرُه
احيان اشوفك معي وتغيض غيابي
واحيان اشوفك تعيش الصد وتكره
ابسط معاذيري انك تجهل اسبابي
واعمق مشاريهي انك .. للنظر قرّه
انت اكثر انسان شوفه يشفي اتعابي
وانت اول انسان يرهن نفسي الحرّه
ماكنت احبك وصرت افديك باحبابي
من يوم طاح الغطا وانكشفت الغره
ادراك وادرى على اسمك والله ادرابي
حتى لو القلب فيه من الزمن حرّه
اتعب على ماتبي واستنزف اعصابي
وانا نزيهٍ يموت ولا كشف سره
ماودي اشوف دمع العين متصابي
خوفي يبل الرموش وينثر الدرّه
ان بار حظي ماوالله تسمع عتابي
مال المشاريه في درب الغلا جرّه
لا تشقي ركابك ولا تمنع ركابي
والصدر عن مايقلط ضيقته زرّه
دام المقادير ترجعبك على بابي
خذ ماتبي والملّام اصغر من الذرّه
اللوم سلبي وظن العاشق ايجابي
والي يلوم القدر لاتضمنه مرّه
8
196
ثالث حروب العالم العالميه
مسيّره عدت حدود انتباهي
من الخليج وكنها فارسيه
ما ودي الا تتجه بـ اتجاهي
شاهد عيان! .. الا شهيد وضحيه
"ام المعارك" ملفتة كل لاهي
"ام السلام" بـ نظرة الداخليه
مزعزعة روس الكبار الدواهي
متسلطنه ، متباهيه ، نرجسيه
اول جمال يكون كامل وراهي
ثالث حروب العالم العالميه
لا سولفت قلت التعب والدوا هي
تطرد عماسي كنها شاذليه
#ادب_الحرب
5
285
َٰ retweeted
يا كيف اعدّك ذنب وابعد و أتوب ؟
و كل طاريٍ محمود لك يجرّني
اذكر دعيت ربي : نجّني من الكروب
و ساقك الرحمن لـ بالي و سرّني
الحرام هجرك و وصلك المرغوب
لانك اطهر من عـ البسيطه مرّني
- لُجَيـن












