OFFICIAL WARNING | FAKE WHATSAPP CHANNEL The WhatsApp channel operating under the name “Deputy CMO, Andhra Pradesh” at the link below is NOT an authorised channel of the Deputy Chief Minister’s Office: 🔗 whatsapp.com/channel/0029Vam… This unauthorised channel is misusing the Office’s identity and circulating misleading information and unrelated content. Such impersonation and the deliberate spread of misinformation are unacceptable and will be dealt with firmly. An FIR is being initiated, and strict legal action will be pursued against those responsible. The public is strongly advised NOT to trust, follow or circulate content from this fake channel. Please rely exclusively on the officially authorised social media handles and the verified WhatsApp channel of the Deputy Chief Minister’s Office for authentic information and official updates. Misuse of a Government Office’s identity will not be tolerated. Those responsible will be held accountable in accordance with the law. @PIB_India @IPR_AP @pibvijayawada

ఉప ముఖ్యమంత్రి వారి కార్యాలయం పేరిట నకిలీ వాట్సప్ ఛానల్ నిర్వాహకులకు అధికారిక హెచ్చరిక క్రింద లింక్ లో పేర్కొన్న “Deputy CMO, Andhra Pradesh” పేరుతో నిర్వహిస్తున్న వాట్సాప్ ఛానల్, ఆంధ్రప్రదేశ్ ఉప ముఖ్యమంత్రి కార్యాలయానికి చెందిన అధికారిక ఛానల్ కాదు. 🔗 whatsapp.com/channel/0029Vam… ఈ అనధికారిక ఛానల్ ద్వారా ఉప ముఖ్యమంత్రి కార్యాలయం పేరును, గుర్తింపును దుర్వినియోగం చేస్తూ ప్రజలను తప్పుదోవ పట్టించే సమాచారాన్ని, సంబంధం లేని ఇతర అంశాలను ప్రచారం చేస్తోంది. ఇలా అధికారిక కార్యాలయంగా తప్పుడు గుర్తింపుతో వ్యవహరించడం, ఉద్దేశపూర్వకంగా తప్పుడు సమాచారాన్ని వ్యాప్తి చేయడం ఏ మాత్రం ఆమోదయోగ్యం కాదు. ఇటువంటి చర్యలపై ఉప ముఖ్యమంత్రి వారి కార్యాలయం కఠినంగా వ్యవహరిస్తుంది. ఈ నకిలీ చానల్ వ్యవహారంపై ఇప్పటికే ఎఫ్‌ఐఆర్‌ నమోదుకు తగిన చర్యలు చేపట్టడమైనది. బాధ్యులైన వారిపై చట్టపరంగా కఠిన చర్యలు తీసుకోబడతాయి. ఈ నకిలీ ఛానల్‌ను ప్రజలు విశ్వసించవద్దని, అనుసరించవద్దని, అందులోని సమాచారాన్ని ఇతరులకు పంపించవద్దని సూచిస్తున్నాము. ప్రామాణికమైన సమాచారం, అధికారిక తాజా వివరాల కోసం ఉప ముఖ్యమంత్రి కార్యాలయానికి చెందిన అధికారికంగా గుర్తింపు పొందిన సోషల్ మీడియా ఖాతాలను, ధృవీకరించబడిన వాట్సాప్ ఛానల్‌ను మాత్రమే అనుసరించాలని ప్రజలకు విజ్ఞప్తి. ప్రభుత్వ కార్యాలయ గుర్తింపును దుర్వినియోగం చేయడాన్ని ఎట్టి పరిస్థితుల్లోనూ సహించేది లేదు. బాధ్యులైన వారిని చట్టం ఏదుట నిలబెట్టి, తగిన చర్యలు తీసుకోబడతాయి. - ఉప ముఖ్యమంత్రివర్యుల కార్యాలయం @PIB_India @IPR_AP @pibvijayawada

రోడ్డు ప్రమాదంలో భవానీ భక్తుల మృతి బాధాకరం •కత్తిపూడి ఘటనపై విచారం వ్యక్తం చేసిన ఉప ముఖ్యమంత్రివర్యులు శ్రీ @PawanKalyan గారు కాకినాడ జిల్లా, కత్తిపూడి మండల పరిధిలోని రావికంపాడు జంక్షన్ సమీపంలో జరిగిన రోడ్డు ప్రమాదంలో నలుగురు భవానీ భక్తులు మృతి చెందిన ఘటనపై రాష్ట్ర ఉప ముఖ్యమంత్రివర్యులు శ్రీ పవన్ కళ్యాణ్ గారు విచారం వ్యక్తం చేశారు. దీక్ష పూర్తి చేసుకుని కనకదుర్గమ్మ దర్శనానికి వస్తున్న భక్తులు మార్గమధ్యంలో ప్రాణాలు కోల్పోవడం బాధాకరమని అన్నారు. మృతుల కుటుంబాలకు ప్రగాఢ సానుభూతి తెలియజేశారు. విషయం తెలిసిన వెంటనే ఘటనపై కాకినాడ జిల్లా కలెక్టర్‌తో మాట్లాడి వివరాలు తెలుసుకున్నారు. రావికంపాడు జంక్షన్ సమీపంలో భక్తులు ప్రయాణిస్తున్న బస్సు నిలిచిపోవడంతో వారంతా కిందికి దిగి పక్కనే ఉన్న హోటల్‌కు వెళ్తుండగా వెనుక నుంచి వేగంగా వచ్చిన స్కార్పియో వాహనం ఢీకొట్టడంతో ప్రమాదం సంభవించినట్టు కలెక్టర్ వివరించారు. ఈ ప్రమాదంలో పలువురు గాయపడినట్టు తెలిపారు. ఘటనపై పూర్తి స్థాయి విచారణ చేపట్టాలని, క్షతగాత్రులకు మెరుగైన వైద్యం అందించాలని శ్రీ పవన్ కళ్యాణ్ గారు సూచించారు. మృతుల కుటుంబాలకు కూటమి ప్రభుత్వం అండగా ఉంటుందని తెలిపారు. @PIB_India @IPR_AP @pibvijayawada

విజయదశమి శుభాకాంక్షలు చెడుపై మంచి, అధర్మంపై ధర్మం సాధించిన విజయానికి ప్రతీకగా నిలిచే విజయ దశమి పర్వదినాన యావత్ భారతావని ఆధ్యాత్మిక శోభతో అలరారుతోంది. ఉభయ తెలుగు రాష్ట్రాల్లో ప్రజలు తమ తమ సంప్రదాయాలకు అనుగుణంగా శక్తి స్వరూపిణిని ఆరాధిస్తూ దసరా ఉత్సవాలను అత్యంత వైభవోపేతంగా నిర్వహించుకుంటున్నారు. దేశ ప్రజలందరికీ ఆ జగన్మాత ఆశీస్సులు మెండుగా ఉండాలని కోరుకుంటూ దసరా శుభాకాంక్షలు తెలియజేస్తున్నాను. ఈ ఏడాది ఇంద్రకీలాద్రిపై నిర్వహించిన శరన్నవరాత్రి ఉత్సవాలు గౌరవ భారత రాష్ట్రపతితోపాటు పలు రాష్ట్రాల ముఖ్యమంత్రుల రాకతో మరింత శోభాయమానంగా జరిగాయి. దసరా ఉత్సవాల్లో భాగంగా విజయవాడ వేదికగా నిర్వహించిన జాతీయ స్థాయి సరస్ మేళా రాష్ట్ర ఖ్యాతిని మరింత ఇనుమడింపజేసింది. శ్రీ కనకదుర్గమ్మ ఆశీస్సులతో కూటమి ప్రభుత్వం అన్ని వర్గాల ప్రజలకు సమాన అవకాశాలు కల్పిస్తూ, రాష్ట్ర సర్వతోముఖాభివృద్ధి లక్ష్యంగా అడుగులు వేస్తోందని తెలియజేస్తూ.. ఈ విజయదశమి ప్రజలందరి జీవితాల్లో సుఖసంతోషాలు, శాంతి, సౌభాగ్యాలను నింపాలని ఆకాంక్షిస్తున్నాను. - @PawanKalyan @PIB_India @IPR_AP @pibvijayawada

ప్రజలందరికీ విజయదశమి శుభాకాంక్షలు! - @PawanKalyan