Narasimha Murthy

ಈಕೆ ನನ್ನ ಪುಟ್ಟ ಗೆಳತಿ , ನಮ್ಮೂರಿನವಳು , ನನ್ನ ಪಕ್ಕದ ಮನೆ ಹುಡುಗಿ, ಹೆಸರು ಅನು ಕೆ ಭಟ್, ‌ ಈ ಬಾರಿ ಎಸ್.ಎಸ್.ಎಲ್.ಸಿ ಪರೀಕ್ಷೆಯಲ್ಲಿ 625 ಕ್ಕೆ 574 ಅಂಕ ಪಡೆದಿದ್ದಾಳೆ. ಬರೋಬ್ಬರಿ 92 % ! ಕನ್ನಡ, ಹಿಂದಿ ಮತ್ತು ಸಮಾಜ ವಿಜ್ಞಾನ ವಿಷಯಗಳಲ್ಲಿ ನೂರಕ್ಕೆ ನೂರು ಅಂಕ ಪಡೆದವಳು. ಅದರಲ್ಲೇನು ವಿಶೇಷ ಅಂತ ಮೂಗು ಮುರಿಯಬೇಡಿ, ಈಕೆ ಓದಿದ್ದು ನೊಣಬೂರಿನ ಸರ್ಕಾರಿ ಪ್ರೌಢಶಾಲೆಯಲ್ಲಿ. ಈಕೆಯ ಪುಟ್ಟ ಮನೆ ಕಂ ಅಂಗಡಿಯಲ್ಲಿ ಬೆಳಗ್ಗೆ ಸಂಜೆ ಅಪ್ಪನ ವ್ಯವಹಾರದಲ್ಲೂ, ಅಮ್ಮನ ಅಡುಗೆ ಕೆಲಸಗಳಲ್ಲೂ ಈಕೆಯ ನಿರಂತರ ಸಹಕಾರ. ಪಾದರಸದ ಚಟುವಟಿಕೆಯ ಈ ಪೋರಿ ಬೆಳ್ ಬೆಳಗ್ಗೆಯೇ ಊರಿನ ಎಲ್ಲ ಮನೆಗಳಿಗೂ ನ್ಯೂಸ್ ಪೇಪರ್ ವಿತರಿಸಿ, ನಲ್ಲಿಯಲ್ಲಿ ನೀರು ಹಿಡಿದು ಮನೆ ಅಗತ್ಯಕ್ಕೆ ತಕ್ಕಷ್ಟು ಸಂಗ್ರಹಿಸಿ, ನಡುನಡುವೆ ಬರುವ ಗಿರಾಕಿಗಳಿಗೆ ಹಾಲಿನ ಪ್ಯಾಕೆಟ್ ಮಾರಾಟಮಾಡುತ್ತ ನಡು ನಡುವೆ ಸಿಗುವ ಅಷ್ಟೋ ಇಷ್ಟೊ ಸಮಯದಲ್ಲಿ ಓದು, ಹೋಂ ವರ್ಕ್ ಇತ್ಯಾದಿಗಳನ್ನು ಮುಗಿಸಿ ಶಾಲೆಗೆ ಹೋಗಿ ಬಂದು , ಶಾಲೆಯಿಂದ ಹಿಂದಿರುಗಿದ ಮೇಲೆ ಮತ್ತದೇ ಕೆಲಸಗಳಲ್ಲಿ ತಲ್ಲೀನಳಾಗುತ್ತಿದ್ದವಳು. ಸಂಜೆ ಹತ್ತು ಗಂಟೆಯವರೆಗೂ ತೆರೆದಿರುವ ಅಂಗಡಿ ! ಇವಳ ಓದಿಗೆ ಸಮಯವೆಲ್ಲಿ.? ಪಕ್ಕದ ಮನೆಯ ಜಗುಲಿ ಮೇಲೆ ತನ್ನ ಪುಸ್ತಕಗಳನ್ನೆಲ್ಲಾ ಹರಡಿಕೊಂಡು ಓದುತ್ತಿದ್ದಳು. ಇಷ್ಟೆಲ್ಲಾ ಕೆಲಸ ಕಾರ್ಯಗಳ ನಡುವೆ ಶೇಕಡಾ 92 ಅಂಕ ಪಡೆಯುವುದೆಂದರೆ ಸಣ್ಣ ಮಾತೆ ? All the best Putty. ಒಳಿತಾಗಲಿ . - ಬರಹ : ನಟರಾಜ್ ಅರಳಸುರಳಿ