Pinned Tweet
" ميّاده وأبو نوره "
فتور القلب .. نشوتْه القصيد وسيد خلاني
ومسباحٍ ضعف خيطه بيمناي وخلص دوره
اجيب من الكلام العذب وازرع فيه بستاني
وغيري لو يغني ليله الساجي طفى نوره
مشاويري مع الافراح تستأذن من احزاني
مثل طفلٍ يتيم وبسمته بالفقد مأجوره
تعبت ارسم ملامح وجهك الي حسنه أحياني
قبل لا يذبل الورد وتروح الروح مقهوره
لقيت بوجهك بلادي قبل يشحب ويجفاني
انا ذاك الكسير الي وقاره يجبر كسوره
اشوفك في زوايا الذاكره ماشفت احد ثاني
مثل نجمه تشع النور وسط الليل مذعوره
انا المجني عليه وقافي بـ صداتك الجاني
خيال ينصّ بالهوجاس لائحّته ودستوره
حبيبي قلبك الحساس يوم انّه تناساني
بقى عنده مشاعر ولا عاده ناسي شعوره؟
انبّش كل زلّه من جروحك يمكن القاني!
ويباغتني شعور التيه والهفوات مغفوره
وانا لو بشكي من الوصل تغريبي وحرماني
لقيت الناس من فرقاك مرتاحه ومسروره
تسرّع في مجيّك ياحبيبي ثم تحفاني
مادام ان الشغف يزداد والاحوال مستوره
وغريافك يوم انّك مقبل وخطوتْك تنصاني
انا ماقد ذبحني كود هي وعينك الحوره
تشوّف بالطيوف وشوف طيفك وين وداني
يعنّيني غيابك وانت من " يعْنيني حضوره "
بعد ثار الشعور وسَرّ جمهوري وسرّاني
خذوني من زحام الناس ميّاده وأبو نوره
فهد كان retweeted
انفرا قلبي من الضيق بوداع العيوف
كن مالي راسٍ اصوك ولا قلبٍ قوي
صامدٍ في وجه الأقدار .. وأحكام الظروف !
ثم طرحني حب عذرًا ترفها نخبوي
ماجنيت من الهوى غير غبن وحرّ جوف
والسعاير بالحنايا وقدها مجذوي
ترفةٍ لا فلّت الليل من فوق الكتوف
ياعذابي لادنا الليل والليل سروي !
لا تمثنت ساحة اللعب من بين الصفوف
قامت الأبصار تشخص .. وتزويها زوي !
خصرها ماينوصف لو تكاثرن الوصوف
جايعٍ ضميان والردف راهي مرتوي
بنت شيخٍ يذبح الحِيل قدرًا للضيوف
طيّبٍ راسه وساسه مردد وحموي
دونها بـ آرد على الموت وحياض الحتوف
حتى لو ان دونها الذيب يهرف ويعوي
مابقى لي عقبها غير تصفيق الكفوف
والسلوم اللي تقيّد كل رجال بدوي
فهد كان retweeted
حبال بالي عسى ربّي يطوّلها
لين أتعدا البحر بالعزم قبل أغرق
كم كلمةٍ قال ضيقي للعرب قلها
أردها في ضميري رد بالمطرق
الابتسامات للغالين أمثّلها
لو إن سعاير ضلوعي ريحها تحرق
من ضغط الأشغال لي كم يوم أحثلها
مع من أواجهه -من كان؟- ما يفرق
يا الله بـ يومٍ عن الأيام بـ أكملها
يشرق مع إشراق شمسه عمري المشرق
يعوضني عن شقا سنيني من أولها
بالرزق والعافية و الجادل الأطرق :)
فهد كان retweeted
Replying to @yqw23
قد يكون هناك نص بدون وزن فيه من الشاعرية ما لاتجدة في قصيدة موزونه ، جوهر الشعر في عمق المعاني ودهشته والصور البلاغية فيه وهذا لا يلغي ان الوزن تعطي للنص موسيقى خاصه فيه
فهد كان retweeted
عليك العتاب يدور والقافيه تنساق
وخذاك الندم يا سيّد القلب والساده
بعد ماكسرت القلب واخلفت بالميثاق
همى الحزن باقصى صدري وحن رعاده
خليليّ قِفا نبكِي مع معشر العشاق
جروح المُحب تنقل فواده من فواده
لا تطرون محبوبٍ مناديبه الاشواق
ترا المغترب ماوده بطاري بلاده
حنين المشاعر حرها يذبح المشتاق
لواعجْه، للضيق ومساريه ولّاده
بصيص الامل لو ينده الخاطر التوّاق
ماشاف الوداع المر في عالمه عاده
يشوف المدامع حبر مايملي الاوراق
مثل مايشوف ان الحسن كله بغاده
عليك العتاب يدور والقافيه تنساق
وخذاك الندم يا سيّد القلب والساده
بعد ماكسرت القلب واخلفت بالميثاق
همى الحزن باقصى صدري وحن رعاده
خليليّ قِفا نبكِي مع معشر العشاق
جروح المُحب تنقل فواده من فواده
لا تطرون محبوبٍ مناديبه الاشواق
ترا المغترب ماوده بطاري بلاده
حنين المشاعر حرها يذبح المشتاق
لواعجْه، للضيق ومساريه ولّاده
بصيص الامل لو ينده الخاطر التوّاق
ماشاف الوداع المر في عالمه عاده
يشوف المدامع حبر مايملي الاوراق
مثل مايشوف ان الحسن كله بغاده
فهد كان retweeted
غبار بالديره وضيقات وأخطار
وحنّا علينا يا رفيقي تساهيل
سبحان ربّي يوم بالجهراء أمطار
كن المطر يعرف مكان الرجاجيل
- محمد الحيص
غبار بالديره وضيقات وأخطار
وحنّا علينا يا رفيقي تساهيل
سبحان ربّي يوم بالجهراء أمطار
كن المطر يعرف مكان الرجاجيل
- محمد الحيص
فهد كان retweeted
منازل نافر الشفّة من الوسمي سقاك السيل
يهونِنّ المنازل و أنتي أنتي ما بعد هنتي
عرفتك قبل أذوق الحب من ظبيك و أذوق الويل
وجيتك من سماوات الشموس لظل مسكنتي
على أنها ما تمشّت في مداهيلك قدم جبريل
أحسك من شفيف أنوار خطواته تكوّنتي
لو إنك من الدهر كنه نفخ بترابك إسرافيل
أشوفك من وهج ماضيك بالجوهر تزينتي
هنا كان أوّلّ أيام اللقا بك يا عروس الجيل
هنا طوّل سوالفنا المجادل لين ما لنتي
هنا كان العناق يلم في حضنه فم التقبيل
هنا كان الزهر يزهر بصدع الجدر الإسمنتي
هنا كل السنين النابتة من تربة التبجيل
وما كانوا هنا ويّاي لو ويّاي ما كنتي
على الغيدا الغنوج اللي ثناياها مناهل نيل
ينافس صفق قلبي صفق موج البحر الأطلنتي
وحيدة ناظري كنت الوريث و كنتي الإكليل
تعالي للأواوين احسمي لي عرش سلطنتي
تعالي للمكان اللي جمعنا نشعل القنديل
ما دامي ما تلوّنت و ما دامك ما تلوّنتي
تعالي قبل يهدم بيتنا جيش أبرهة بالفيل
ترى ما عاد باقي من الحبايب غير أنا و أنتي






















