سپر سی ایم محترمہ @MaryamNSharif صاحبہ, السلام علیکم, آپکی خدمت میں انصاف کی متلاشی قصور کی تین بہنوں کی درخواست بذریعہ @CMComplaintCell اور @SaimaFarooq صاحبہ پیش کر رہا ہوں- طاہرہ پروین, سکنہ ڈھولن ہٹھاڑ, تحصیل و ضلع قصور, CNIC نمبر 3510237513976, رابطہ نمبر عندالطلب DM میں دے دیا جائیگا, درخواست کرتی ہیں کہ: مجھے اور میری ہمشیرگان مسرت شفیع اور یاسمین کو ہماری والدہ مسماۃ مریم بی بی (مرحومہ) کی جانب سے وراثتی زرعی اراضی برقبہ چار ایکڑ چھ کنال, موضع ہالہ, تحصیل کوٹ چھٹہ, ضلع ڈیرہ غازی خان میں وراثت میں ملی تھی- ہم نے اس زرعی اراضی کو فروخت کرنے کا اظہار ملزم ظفر اقبال ولد نواب دین, سکنہ چک نمبر 43/3R, جھگیاں جے چند, تحصیل و ضلع اوکاڑہ, جو کہ ہماری حقیقی خالہ کا بیٹا ہے سے کیا- اس سلسلہ میں 30 دسمبر 2024 کو بوقت شام 6 بجے الزام علیہ ظفر اقبال ہمارے گھر واقع ڈھولن ہٹھاڑ خریدار صابر ہمدانی وغیرہ کو لے کر آیا کہ انہوں نے آپکی زمین خریدنی ہے- ان کے ساتھ ہمارا فی ایکٹر مبلغ 29,80,000 روپے میں سودا طے پایا اور اس حساب سے کل اراضی کی قیمت مبلغ 1,41,65,000 رو پے بنی- الزام علیہ ظفر اقبال اور خریدار صابر ہمدانی وغیرہ رات ہمارے ہاں ہی ٹھہرے اور مورخہ 31 دسمبر 2024 کی صبح خریدار صابر ہمدانی وغیرہ نے مکمل رقم مبلغ 1,41,65,000 روپے کیش کی صورت میں ہمارے گھر واقع ڈھولن ہٹھاڑ میں ہمیں ادا کر دی- ہم تینوں بہنوں میں سے صرف ایک بہن مسرت شفیع کا آسان بینک اکاؤنٹ تھا جس میں صرف دس لاکھ روپے جمع ہو سکتے تھے- ہماری خالہ کے بیٹے الزام علیہ ظفر اقبال نے کہا کہ دس لاکھ روپے تم اپنے بنک اکاؤنٹ میں جمع کروانے کے لیئے رکھ لو اور بقیہ رقم مبلغ 1,31,65,000 روپے بطور امانت مجھے دے دو- جب تم اپنا بزنس اکاؤنٹ اوپن کر والوگی تو تمہاری امانت تمہارے اکاؤنٹ میں ٹرانسفر کروا دوں گا- ہم نے یہ رقم مبلغ 1,31,65,000 رشتہ داری اور باہمی اعتماد کی بناء پر رو بروگواہان مسمیان 1- غلام مصطفی بٹ ولد محمد شفیع قوم آرائیں, سکنہ ڈھولن ہٹھاڑ, 2 - محمد مصطفیٰ ولد محمد شریف قوم آرائیں, سکنہ ڈھولن ہٹھاڑ کی موجودگی میں بطور امانت الزام علیہ ظفر اقبال کو اسکے اپنے بینک اکاؤنٹ میں رکھنے کے لیئے حوالے کر دی اور ہم نے الزام علیہ ظفر اقبال کیساتھ ڈیرہ غازی خاں کوٹ چھٹہ جا کر اراضی کا انتقال صابر ہمدانی وغیرہ کے نام کروا دیا- ظفر اقبال نے یہ رقم 31 دسمبر کو اپنے بینک آف پنجاب (اوکاڑہ) کے اکاؤنٹ نمبر 6020234201300027 میں جمع بھی کروائی- جب میں نے اپنا بزنس اکاؤنٹ اوپن کروانے کے بعد الزام علیہ ظفر اقبال سے اپنی امانت دی ہوئی رقم مبلغ 1,31,65,000 کا مطالبہ کیا تو الزام علیہ نے کہا کے میں نے ابھی نیا اکاؤنٹ اوپن کروایا ہے, چیک بک نہ ہونے کا بہانہ بنا کر ٹال مٹول کرنے لگا اور وعدہ پر وعدہ کرتا رہا لیکن رقم واپس نہ کی- جس نے خیانت مجرمانہ کرتے ہوئے ہماری بطور امانت رکھوائی رقم مبلغ 1,31,65,000 کو ہڑپ کرنے کی نیت سے خرد برد کرلی ہے جو اب واپس مانگنے پر ہمیں مسلح ہو کر جان سے مارنے کی دھمکیاں دے رہا ہے- ہم نے پانچ ماہ قبل اس بابت SHO تھانہ کھڈیاں, قصور کو الزام علیہ ظفر اقبال کے خلاف کاروائی کیلئے درخواست دی لیکن ہماری درخواست پر کارروائی تو دور کی بات, اسے ای-ٹیگ تک نہیں لگایا گیا- پھر ہم نے 21 جولائی 2026 کو ایک درخواست DPO قصور کو دی جنہوں نے SHO تھانہ کھڈیاں کو مارک کر کے سات دن کے اندر رپورٹ مانگی لیکن متعلقہ تھانے نے آج تک کوئی رپورٹ نہیں دی- مبیّنہ طور پر قصور کا ایس پی انویسٹیگیشن ضیا الحق اور تھانہ کھڈیاں کا ایس ایچ او ملزم ظفر اقبال کی پشت پناہی کر رہے ہیں جو درخواست پر کسی کارروائی کی راہ میں بڑی رکاوٹ ہیں- عاجزانہ استدعا ہے کہ بہن طاہرہ پروین اور دیگر دو بہنوں مسرّت اور یاسمین کو انصاف فراہم کیا جائے اور @Police_Kasur کو ملزم ظفر اقبال کے خلاف قانونی کاروائی کی ہدایات جاری کی جائیں تاکہ خیانت شدہ رقم مبلغ 1,31,65,000 روپے بازیاب کروا کر حقدار بہنوں تک پہنچائی جائے اور ملزم کو قرار وقتی سزا بھی دلوائی جائے۔ جزاک الله - شکریہ

سپر سی ایم محترمہ @MaryamNSharif صاحبہ, السلام علیکم, مذکورہ کوٹ پوسٹ 👇 19 ستمبر 2026 کو لکھی گئی اور اسی دن @CMComplaintCell کی طرف سے مجھے ڈی ایم میں "Noted" کیا گیا- لیکن افسوس کہ ایک ماہ سے زائد عرصہ گزرنے کے باوجود کمپلینٹ سیل, پولیس یا کسی بھی ادارے کی طرف سے سائلہ کیساتھ کوئی رابطہ نہیں کیا گیا- میں آپ سے دوبارہ درخواست کرتا ہوں کہ براہ کرم مذکورہ معاملے میں فوری ایکشن کروائیں- جزاک الله - شکریہ