भारतीय कबड्डी संघाचे माजी कर्णधार आणि शिवछत्रपती पुरस्काराने सन्मानित ज्येष्ठ कबड्डीपटू तारक राऊळ यांच्या निधनाने भारतीय कबड्डीविश्वाचं एक पर्व संपलं आहे. आपल्या प्रदीर्घ आणि गौरवशाली कारकिर्दीत त्यांनी कबड्डीला नवी ओळख मिळवून देण्यासाठी मोलाचं योगदान दिलं. मैदानावरील त्यांचा जिगरबाज खेळ, नेतृत्वगुण आणि कबड्डीवरील निस्सीम प्रेम अनेक पिढ्यांसाठी प्रेरणादायी राहील. राऊळ यांच्या निधनाने कबड्डीविश्वाची कधीही न भरून येणारी हानी झाली आहे. त्यांच्या स्मृती आणि क्रीडाक्षेत्रातील योगदान सदैव प्रेरणा देत राहील. तारक राऊळ यांना भावपूर्ण श्रद्धांजली! ईश्वर त्यांच्या आत्म्यास सद्गती देवो आणि त्यांच्या कुटुंबीयांना हे दुःख सहन करण्याची शक्ती देवो !