Nature’s Keeper

Raia aliyempiga Askari ni Daktari bingwa wa magonjwa ya ndani, Hospitali ya Taifa Muhimbili, Kampasi ya Mloganzila. Wanaomfahamu Dr. Conrad wanajua ni mtu mpole sana. Ni jambo la kushitua kumuona kwenye matukio haya. Haijulikani yule askari alimfaya nini. Kwa bahati mbaya matukio yanayowahusisha polisi na raia, huwa tunasikia upande mmoja tu wa polisi wenyewe, raia wasio polisi hatuwasikilizi upande wao wanasema nini. Kwa mfano kwenye tukio hili, tunaambiwa raia alimpiga polisi wakati huyo polisi akitekeleza majukumu yake, lakini huyo raia hapewi nafasi ya kusikilizwa ilikuwaje hadi akafanya hivyo. Mbaya zaidi, kwenye tukio la namna hii polisi kwa akili zao wanaweza kuwa wamempiga sana huyo raia. Kuna taarifa (zisizo rasmi) kwamba huyu Daktari yupo ICU. Rai yangu kwa polisi, kupitia kwa Afande Murilo, polisi wamfikishe mbele ya vyombo vya sheria huyu Daktari, akiwa salama salmini. Hukumu yake kwa kosa alilofanya inatakiwa itolewe na vyombo rasmi. Sio kazi ya polisi kutoa hukumu. Huko kwenye vyombo vya sheria tutajua ni kitu gani kilitokea mpaka kupelekea ugomvi huo. Nitumie nafasi hii pia kuwashauri viongozi wa Jumuiya ya Madaktari Medical Association of Tanzania kutoa wito wa kutaka Daktari Conrad awe salama huko wanapomshikilia. Nafuatilia kujua kama ni kweli amepigwa sana hadi kulazwa ICU. Nawasilisha! Dr. Chris Cyrilo.