رسائل عظيمة

صاحبي من أيام الثانوي، استلف سيارتي العصر، قال: "مشوار ساعة، وأرجعها" وأنا في الدوام، أخلص شغل متأخر، رن جوالي... هو، وصوته يرجف: "صدمت واحد بسيارتك... تعال بسرعة" قلت: "الرجال بخير؟! اتصلتوا على الإسعاف؟!" قال: "إيه، الإسعاف جا... بس اسمعني" وسكت ثانية، وقال الجملة اللي ما توقعتها أبد "تعال، وقل إنك أنت اللي كنت تسوق" قلت: “...وش؟!” قال بسرعة: "رخصتي موقوفة من شهرين، بسبب المخالفات، وما قلت لك وكنت ماسك الجوال وأنا أسوق السيارة باسمك، والتأمين عليك لو قلت إنك أنت... ينحل كل شي" قلت: "وأنا؟ رخصتي، وشغلي، وسجلي... ما يهمونك؟" قال: "يا رجال، احنا إخوان! لازم توقف معي!" قلت بهدوء: "إني أوقف معك... شي وإني أشيل غلطك عنك... شي ثاني" قال: "تكفى! الحين الكلام للحين ممكن نرتبه!" وهنا خفت أكثر "نرتبه"؟ مع مين؟ وقفلت وبعد دقيقة، اتصل أخوه الكبير: