Abd El Rahman el Awady

النصيب ده غريب فعلا، واحد صحبي مرشد سياحي اتقدم لبنت ممرضه كان يعرفها، ابوها موافقش عليه عشان خاطر هي موظفه حكومي ف عايزلها واحد موظف حكومي زيها، وهو طبعا مرشد سياحي ف شغله خاص لكن بردو له تأمينات ومعاش زي الحكومي وده اللي متعرفوش الناس، المهم لما اترفض كان بيكلمني وهو زعلان جدا وانا قولتله متزعلش الجواز قسمه ونصيب وربنا هيكرمك بالأحسن منها ومن اهلها متقلقش، ف سبحان الله صحبي لسه مكلمني وبيعزمني علي خطوبته كمان يومين علي قريبته دكتوره أسنان وقلي شوف ياخي ربنا كرمني بالأحسن والأفضل وعوضني ازاي زي ما قولتلي، ف الموضوع ده استوقفني لحاجه مهمه إن اهالي البنات نوعين، ناس واعيه وناضجه، وناس تفكيرها محدود وعلي قدها، وبالفعل فيه ناس كتير تفكيرهم محدود مفكرين إن الشغل الحكومي أبو 7 ألاف هيأمن مستقبل بنتهم اكتر من الشغل الخاص اللي ممكن يوصل ف الشهر ل 30 ألف واكتر، وللأسف معظم الناس حاليا نسيوا إن الجواز بالذات مش بالوظايف والمرتبات بل بالأخلاق وحسن الأختيار والتفاهم ما بين الأتنين والأصل والنسب.