Reef

لو تلاحظون، #٢٠٣٠_بلا_نقاب تكلّم عن قضاااايا كثيرة بمجتمعنا النسائي، والموضوع مو بس عن خرقة أغطي فيها وجهي، الموضوع أكبر من كذا بكثير: اختزال المرأة بجسدها: من تشبيهنا باللحم والبرتقال والوردة والحلاوة، إلى غسل أدمغة البنات على إن وجهها عار لازم يتغطّى! ليه تكون عار؟ هي إنسانة لها قرار وأفكار وحياة تخصّها و وجهها هويتها! اعتبار المرأة مادة جنسية: خجل الذكور من أسماء محارمهم وأصواتهن، وكأن المرأة شيء يُخجل منه، مو بشر طبيعي له وجود وحياة. أضرار النقاب وقيوده: من صعوبة التنفّس والأكل إلى القيود اللي تفرضها تغطية الوجه على حرية المرأة وحياتها اليومية. اعتقال النساء داخل بيوتهن: عيب تطلع، وعيب تتوظف، وعيب تعيش حياتها بشكل طبيعي لين يجي من يتزوجها! ولما تحاول تعيش حريتها يتم تعهيرها وتكفيرها. ليه هالتفكير يتوارث من جيل لجيل، وحياة كثير من النساء تتدمّر بسببه؟ الوصاية على المرأة: الموضوع إن اللي يسوى واللي ما يسوى يتدخل بحياتك، ويتحكّم فيك، ويربط قيمتك بغطاء وجهك. حتى الهندي ببقالة الحاره مسوي وصيّ عليك، ويعلّم إخوانك وأبوك عنك لو طلعتي بدون نقاب! محو حرية المرأة وهويتها: حتى الألوان ما تقدرين تنوّعين فيها وتلبسينها، كأن المطلوب إنك تكونين مطموسة بهذا السواد، وكأن وجودك نفسه شيء لازم يختفي! الهاشتاق مو بس مطالبة بحظر النقاب، هو مطالبة بأشياء أكبر: مواجهة الأفكار المتطرفة اللي تسلب المرأة حقوقها رفض الوصاية والتحكّم بحياة النساء رفض ربط كرامة المرأة وقيمتها بغطاء وجهها المطالبة بحق المرأة في الاختيار، وإن خياراتها تكون بيدها، مو بيد العائلة أو الأب أو الأخ ربي ما حرّم الألوان، وربي ما حرّم إنك تكشفين وجهك نبي نُعامل كبشر، مو كأداة يُتحكّم فيها، ولا كعار لازم يتخبّى . نبي نعيش حياتنا ونختار لأنفسنا، بدون ما ترتبط كرامتنا وقيمتنا بقطعة قماش. #نطالب_بحظر_النقاب28 #٢٠٣٠_بلا_نقاب28