Өнөөдөр юу болоод байна, бодлоо хэлээч гэж байна. Жагсаал буюу тэмцэл хэр экстрим хурцадмал байж болох вэ, түүнийг хэн зохион байгуулж болох вэ гээд хоёр талаас нь хэлье. 1. Монголд өнөөдөр амьдрал өөрөө хурцадмал байна. Ямар ч нөхцөлд хүний оюун ухаанд, хүний хэлээр харилцах чадварт итгэж, аминдаа улс удирдаж буй нөхдөд хүний хэлээр хандчих гэж хичээсээр, бичсээр өдий хүрлээ. Дэлхийн улстөрийн хамгийн харгис, хамгийн хурцадмал туршилтын бай болсон оронд хүний зэрэгт хүрснийх хэзээ ямагт хурц зөрчлөөс зайлсхийж, зайлсхийх талаас уриалж явсандаа харамсаж, гэмших гээд ч байх шиг... Монголчуудын аядуу, хүлээцтэй онцлогийг эрх баригчид, улстөрчид хүндэлсэнгүй, эргүүлээд жам ёсоор, оюун ухаанаар удирдсангүй. Өнөөдөр хөөрхий хурцдаад хурцдаад 0 цэгийн хөдөлгөөнд блок хийжээ. Энэ блок чинь тэгээд ковидын үед Монгол Улсын пасспорттой иргэдийг газар нутагт нь хөл гишгүүлэхгүй хорьж байсан том тойрог блокын хажууд юу юм бэ? Байсгээд нэг хурал боллоо, зочин ирлээ, эсвэл дарга ядраад гэртээ харилаа, шөнө нойргүй маниакууд гүйлээ гэж зам хаадаг блокын хажууд юу юм? Зам заслаа, боржур солилоо гэж явган нүцгэн доголон иргэдийг улаан хөлөөр нь эмнэлэг рүү чардайлгадаг агуу бүдүүлэг, дарангуй засаглалын хажууд өнөөдрйин тойрог блок тийм бүдүүлэг явдал уу? Ямар аймар бүдүүлэг юмбэ яана аа ийнэ ээ гээд бга глгнүүдэд ер нь хуц гэж хэлье. Наад лаг лаг постоо хаяглах эзэд чинь өөр байх шүү. 2. Хэн зохион байгуулсан бэ гэдэг тухайд. Нэгд, зайлуул Баатар буруутлаа. Тэгээд нөгөө дүү нь. Баатарыг насаараа л мууллаа. Гэхдээ ямар ч засаглал үнэхээр лаг бол хэнбугайн найруулгад ч ганхахгүй. Учрал тэгээд юугаараа Оюукаас лаг байв? Кабинетээ бүрдүүлэхдээ фракцуудаас бие дааж чадав уу? Төсөвт реформ хийгдэв үү, 10 их наяд ₮өөр зардал нэмэгдцэн. PD Нямбаатараас юугаараа илүү байна? 5 их наяд төгрөгөөс 6 их наяд болгож мөнгө үрэхээс өөрөөр юугаараа дээрдэв? Нийгмийн бодлогын реформ байхгүй. Дэлхийн дэвшил, хөгжилд нэгээхэн алхам ч ойртсон зүйлгүй. Нөгөө л үүрдийн өлөн MCS хүссэн дуугаа захиалсаар... бүх юм хэвэндээ, бүх дарга нар цавчсаар, даргын тоо нэмэгдсээр, амьдрал улам хүндэрсээр. Өнөөдрийн жагсаалыг миалж байгаа шитгүүлчид ээ хөөрхий дөө... улстөрийн эдийн засгийн шинэчлэлийн үүднээс нэгээхэн үндэслэл ч хэлж чадсангүй. Хийгдээгүй юмыг арга байж уу. Би Оюукыг мэдрэл нь муудаж урагшаа тонгойх хүртэл нь дэмжиж байхдаа ядаж УТЭЗийн үндэслэлээ бичдэг байлаа, биччихээр худлаа үнэн тэмцэл хийгдэж байлаа. Хоёрт, хэн ч хийж байлаа гээд жинхэнээсээ бухимдсан иргэд гарч нэгдэхэд хэд гурван эзэнтэй галзуу аяндаа жин дарахаа больдог. Тэгэхээр жагсаалыг хэн удирдаж байна вэ, тийм л санаа зовоод байгаа бол өөрөө гараад үгээ хэлээд зогсох л асуудал. Тэгэхээр энэ юу болоод байна гэж асуувал хараахандаа юу ч болоогүй байна гэж хариулах байна. Авлигачдаас ард түмэнд үзүүлсээр ирсэн агуу бүдүүн дунд хурууны эсрэг чигчий хурууны үзүүр цухуйж байна гэж хэлэх байна.