Zee BabaLao

JE UNAJUA KWA NINI HUFANIKIWI? Una mizigo mingi isiyo ya lazima wala faida ambayo umeibeba:- 1.Umejipa jukumu la kuwa "mpelelezi" wa maisha ya wengine na umesahau maisha yako. 2.Umebeba vinyongo na visasi moyoni vinavyokufanya uwafikirie waliokuumiza zaidi kuliko kufikiria furaha na maendeleo yako. 3. Una marafiki wengi ambao ni kama kupe, wapo kukutumia tu na hawachangii lolote katika maendeleo zaidi ya kujifanya ndio watu wako karibu lakini kumbe wapo kwa maslahi yao! 4.Umeweka mbele zaidi "watu watanichukuliaje" kuliko kuangalia maisha yako.Watu ndio wanakuchagulia aina ya maisha unayoishi na unajilazimisha kuishi kama wao hata kama huna uwezo huo. 5.Unaongea zaidi ya kasuku lakini vitendo hakuna.Unatamani mafanikio tu moyoni lakini huna mipango ya kuyafikia. 6.Maisha yako yote umeyaweka kwenye mitandao ya kijamii.Huna siri hata moja!Hivyo unalazimika kuishi aina ya maisha ambayo yataendelea kufanana na yale uliyoyaweka kwenye mitandao ya jamii kwa sababu ukibadilika tu watasema "umefulia" 7.Kila aliefanikiwa ni rafiki yako au utasema ni mtu wako wa karibu na unaishia kuwasifia tu na kupiga nao picha lakini hujifunzi kutokana na mafanikio yao na wala hutumii fursa hiyo ya kujuana nao. 8.Upo sahihi kila siku(you are always right). Huambiliki, hushauriki na kila wazo atakalotoa mwenzako basi si zuri ila la kwako ndio sahihi na utataka litekelezwe hilo hilo. Mwisho wa siku kila mtu anakukimbia hakuna wa kukuambia "hapa umekosea" kwa sababu ya ujuaji wako. 9.Hujifunzi maarifa mapya.Mara ya mwisho kusoma kitabu ilikuwa ni "Ngoswe, penzi kitovu cha uzembe" Tena ni kwa sababu ilikuwa ni kwa ajili ya kujibia mtihani. Hujifunzi "life skills" wala ujuzi mwingine. 10.Unazurura mno mitandaoni bila faida. Kwako wewe intaneti ni kwa ajili ya kuchati tu na kufuatilia habari za mjini ambazo tangu umeanza kuzifuatilia hujawahi kuingiza hata shilingi moja, zaidi unateketeza tu hela yako ya vocha. ISHUSHE hiyo mizigo kama kweli inahitaji kusonga mbele!

Alonso Out!

MBARAWA NA MUSSA WAUNGANISHA NGUVU KUHAKIKISHA MRADI WA SGR UNAKAMILIKA KWA WAKATI Waziri wa fedha Mhe. Balozi Khamis Mussa Omar, amewahakikishia Watanzania kuwa Serikali iko tayari kuhakikisha changamoto zote za kifedha na kimkataba zinasimamiwa kikamilifu ili kuzuia kuchelewa kwa mradi huo kwa mradi wa SGR kipande cha 3 &4 Makutopora - Tabora na Tabora - Isaka). Mhe. Balozi Omar, ametoa hakikisho hilo Novemba 07, 2026 katika eneo Nzubuka, akikagua maendeleo ya mradi wa SGR katika kipande cha 3&4, ambapo pamoja na mengine amesisitiza juala la mazingira na jamii. "Lengo kuu la Serikali ni kuhakikisha vipande vyote vya reli vinakamilika kwa ulinganifu bila kuacha pengo linaloweza kukwaza dhumuni kuu la kimkakati la mradi huo. Nasisitiza mradi uende kwa kasi ili kufidia muda uliopotea kufuatia sababu zilizoelezwa aidha Serikali haitakuwa tayari kusikia wala kupokea visingizio kukwamisha mradi huo vikiwemo vya hali ya hewa" amesisitiza Mhe. Balozi Omar. Katika hatua nyingine, Waziri wa Uchukuzi, Prof. Makame Mbarawa, amesema Serikali ililazimika kutafuta suluhu ya changamoto ya kasi ndogo ya mkandarasi mkuu katika kipande cha 3&4 ambaye tangu kukabidhiwa eneo la mradi mwaka 2022 hadi mwaka 2024 alikuwa amefikia utekelezaji wa takribani asilimia tano. Aidha, amesema changamoto ya fedha zinazotolewa kwa mkandarasi mkuu kutofika kwa wakati eneo la mradi imeifanya TRC kuingilia kati kwa kununua vifaa muhimu ikiwemo mafuta, saruji na kokoto ili kuhakikisha kazi zinaendelea. "Tunakuja na mpango madhubuti kuhakikisha yale yaliyojitokeza na kusababisha mradi huo kipande cha 3&4 kusuasua, hayajitokezi tena" alikazia Prof Mbarawa.

Kuna muda uongea pointi sana wewe jamaa