Deme Demchigsuren

Монгол бахархлын өдрөөр өвөртөө дарж байсан хамгийн ховор нандин бичлэгийг гаргаж үзүүлье. Үүнийг үзэж буй монгол хүн Танд баяр хүргэе. Эрмитажд хадгалагдаж буй Чингисийн чулууны бичгээс Та 1, Их Монгол улсыг байгуулсан ялгуусан байлдан дагуулалт, түүний магнайд явсан Хавт Хасарын удам тэргүүт баатруудын түүх үнэн бодитой болохыг 2, Мөр тэтгэх ёс зэрэг Монголын төрт ёсны бичиг үсгийн соёл, уламжлал мөн энэ үеэс хэвшин тогтсон байсныг 3, Энэ бүхнийг дэлхийн шинжлэх ухаан хүлээн зөвшөөрч байдгийг үзэж байна. Босоо монгол бичиг агуулсан хамгийн эртний өв болох энэхүү гэрэлт хөшөөний эх хувийг УДЭТ Александринский театрт урилгаар тоглоход нүдээр үзэх боломж гарсныг дурдах нь зүй. Мөн Берлин хотноо Жеймс Симоны галлерейд гарсан "Чингис хаан ба монголчуудын ертөнц" үзэсгэлэнд хуулбар үзмэр тавигдсан байгаа. Тэр зургийг комментоор оруулъя. Монгол, Германы боловсрол, соёлын харилцааны 100 жилийн ойг тохиолдуулан хийсэн төрийн тэргүүний айчлалаар тус үзэсгэлэнг нээсэн ба ирэх хавар хүртэл толилуулна. Энэ том чулууг, үсэгтэй бичигтэй нь хуулбарлан бүтээж тавьсан байдлаас л гэхэд "Чингис хаан ба монголчуудын ертөнц" үзэсгэлэнг арвин бүрдүүлж дэлгэхийн төлөө хэр их хөдөлмөр зүтгэл орсон нь ухагдах буй за. “Чинггис хан-и сартагул иргэн дагулижу багужу хамуг монггол улус-ун нойод-и буга сочигай хуригсан-дур Есүнггэ ононодур-ун (онохдоо гэсэн утга) гурбан загуда гучин табун алдас-дур (тоогоор зохицдог байсны баталгаа) ондудла-га(онолоо)” 1224-1225, Есүнгэ мэргэн сууж асан Хархираа хотноо

Хоосон толгойтой хархнууд боловсролыг үгүйсгэж, сэхээтнүүдээ доромжлоод байж байдаг нийгэм дээ. Сэхээтнүүдийг аль болох хархнуудаас хамгаалахыг боддог. Аа харин эсрэгээрээ нөгөө хэд нь нэг удаа хамгаалж дуугарна гэж байхгүй. Бэртэгчин болохоор л хархнуудаа толгой дээрээ гаргасан.

Хоосон итгэл найдвар гэдэг хулчгарууд, лүүзэрүүдийн ажил тул харахаас нүд хорсоод хатгаж хагалмаар болном. Энэ удаагийн бүх нийтийн шүүх ажиллагаагаар сэтгүүлзүй эрүүлжинэ гэж найдаж байгаа итгэл найдвар чинь бүгд хоосон бөгөөд бүгд үл бүтнэ. Оюун ухааныг юу гэж боддог юм бэ хэхэ, оюун ухааны салбар штэ. Нийгэмд оюун ухааны эрүүл харилцаа явагдаж байхын тулд хангагдаж байх хэрэгтэй бүх болзлыг манай улсын бүх салбар хангахгүй. Хэдийг дурдъя. 1, Улстөрийн намууд: Эндээс баахан тэнэгийг төрд үйлдвэрлэн гаргаж байгаа юм чинь ямар л нэг аргаар тэнэгээ нуух төсөв гаргасаар байна. 2, Төрийн засаглал: Засаглал эффектив ажилладаг байвал төр, ард түмний дунд сурталчилгаа хэрэггүй. 3, Технологийн буюу индастриал хөгжил: Дэлхийд зарагдчхаар ганц хоёрхон бүтээгдэхүүн хийхээр технологи хөгжүүлээд өгсөн бол цөөхүүлээ монголчуудаас мал улстөрчдийн араас мик бариад явж байх хүн ч олдохгүй болно. 4, Чанартай дунд ба дээд боловсрол: Энийг хэд бичихэв дээ. Бага дунд шатнаас алдсан боловсролын чанарыг нийгмийн ямар ч түвшинд, ямар ч салбарт, ямар ч зардлаар нөхөх боломжгүй. 5, Эдийн засаг, зах зээлийн өрсөлдөөн: Өөрсдөд чинь чөлөөт зах зээлийн үзэл суутал төрийн тогоо томорч, тэндээс идэж амьдрах хүрээ тэлсээр байна. Төрөөс хамгийн их идэж, чөлөөт өрсөлдөөнийг нухчин дарангуйлдаг групп компанийн агент, газрын хулгайчийн хүүхэд шударга ёсны тэмцэгчийн дүр авцан ч байх шиг ална аа ална. Ядаж л энэ тавгүйгээр юун эрүүл сэтгүүлзүй, эрүүл хүнгүй болчоод явж байгаагаа өөрсдөө мэдээд байх шиг байдаг... тэгсэн хэрнээ өдрийн нэг мөчир олж зуураад итгэл найдвар майдвар гэж өөрсдийгөө хуурах аргаа олчоод байх юм. Хоосон итгэл найдвар гэдэг өөрөө оюун ухааны хоосрол.