Намайг Хятад улсын хөрөнгө оруулагчаас мөнгө авч Монголоо гутаасан тагнуулч урвагч хэмээн баахан цолложээ😞 Монгол, хятад хос хадмал орчуулгатай, өөрөөр хэлбэл энэ хоёр улсын аль ч иргэн үзээд шууд ойлгохоор нэвтрүүлэг хийсэн минь бусдад адлагдах үндэслэл болсон юм байхаа😅 Гэтэл би яг одоо Оросын хөрөнгө оруулагчийн Монголчуудад мулзлуулсан түүхээр мөн контент хийж байгаа. Тэгэхээр оросын тагнуулч урвагч хулгайч бас болох уу? Ядаж байхад тэр нэвтрүүлэг минь монгол, орос хадмал орчуулгатайгаар гарах тул надад атаархан хорсогчдын шээс ёстой сад тавих бололтой. Орос нохой юу юу гэх болдоо😆 Хэдэн жилийн өмнө Герман Улсын хөрөнгө оруулагч Флориан гэдэг иргэн Монголчуудад 4,000,000+ еврогийн хөрөнгө оруулалтаа залилуулсан түүхээр мөн нэвтрүүлэг хийхэд олон зуун мянган хүн үзэцгээсэн. Тэр үед би одоогийн туршлагаа олж аваагүй байсан учраас ганцхан Монгол үзэгчдэд зориулан уг нэвтрүүлгээ хийсэндээ одоо харамсдаг. Нэвтрүүлгээ шинэчилж англи, монгол хос хадмалтайгаар дахин түгээнэ ч гэж боддог. Сүүлийн жилүүдэд гадаадын хөрөнгө оруулагчдын Монголчуудад хуу дээрэмдүүлсэн асуудлаар маш олон контент хийсэн учраас энэ сэдвээрээ би бараг мэргэшээд байгаа😅 Гадны янз бүрийн улсын хүмүүс надтай уулзах хүсэлт тогтмол тавьдаг боловч би тэр бүр уулзаж чадахгүй л байгаа. Хүлээлгийн жагсаалтад бүр англи улсын иргэн ч байгаа. Би бас английн тагнуул хочтой болох биз😝 Надад атаархаад үхэлдээд байгаа хүмүүст хэлэхэд хэрвээ чамд авьяас чадвар, нэр хүнд, хил давсан эрэн сурвалжлах нэвтрүүлгийг амжилттай хийгээд ирэх эр зориг, оюуны чадамж байгаа бол үзээд алд л даа. Надтай бүтээлээрээ сайхан өрсөлд. Би сайхан сэтгэлтэй ард иргэдийнхээ хандив тусламжаар өнгөрсөн жил Филиппин Улсыг зорьж Боолчлогч нэвтрүүлгийг хийх үедээ энэ нүсэр контентыг зөвхөн Монголчуудад зориулан хийж болохгүй юм байна. Филиппин болон Монголын аль ч хүн үзсэн шууд ойлгохоор хийх ёстойг ухаарсан юм. Тэрнээс хойш гадаадын иргэний эрх ашиг хөндөгдсөн асуудлыг сурвалжлахдаа тухайн улсын иргэд нь ямар ч хэлний бэрхшээлгүйгээр ойлгохуйцаар хийх болсон билээ. Мэдээж ингэж хийх нь хүч хөдөлмөр, цаг хугацаа их шаарддаг боловч нэвтрүүлгийн цар хүрээ далайцыг илүү хүчтэй болгодог. Би Монголын төрийн байшууллагуудаас хоногийн хоол, сарын цалинг гуйлгачилж, дарга долоож амьдрах аргыг сонгоогүй. Харин даян дэлхийгээс шударга хандив босгож шударга ёс, хуулийн тэгш үйлчлэлийг би болгохоор зорьж яваа л хүн. Хөлийнхөө өлмийгөөс урагш газрыг харж чаддаггүй хөгийн амьтад над руу шүлсээ үсчүүлж байхад би хөхрөн цэнхэртэх алс хязгаар руу хараа бэлчээн том зорилго тээж хөдөлмөрлөж яваа жирийн нэгэн эр хүн. Би монголын сэтгүүлчидтэй дахин ямар ч төрөлд өрсөлдөхгүй. Ямар ч уралдаан тэмцээнд нь бүтээлээ сойхгүй. Харин олон улсад танигдсан ядаж ганц бүтээлтэй болох гэж л хичээж яваа. Хятадын тик ток дээр миний нэвтрүүлгүүд сүүлийн үед маш их үзэлт авдаг болсон. Хэрвээ би хятад хадмал орчуулгатайгаар контентоо хийгээгүйсэн бол яаж танигдаж чадах вэ дээ. Өвөрмонголчуудын дунд би сүүлийн үед маш эрчтэй танигдаж яваа. Олон улсад муу муухайгаараа бус харин бүтээлээрээ танигдах гэж хичээж байгаагийн минь шагнал нь энэ. Яагаад чи өөр улсын хэлээр нэвтрүүлгээ хийсэн бэ гэх зэрэг ядаргаатай тэнэг зүйл асууж буй хүмүүст энэхүү постоороо хариуг нь өглөө. Дахин би энэ тухай юу ч хэлэхгүй.

Хоорондоо мөргөлдсөнг нь хараад үхтлээ инээлээ. Үйлийн үр үүд хаалга андуурахгүй ээ гэж😅

Энэ Найдала чинь өөрөө бас хэнийг зодсон гээд байлаа. Боловсролын сайд асангийн нүдийг таг цохьчихсон билүү? Туслах нь бас эзэн шигээ яргачин байх нь ээ? УИХ-ын дарга @BYAMBATSOGT_S энэ асуудалд онцгой анхаарч, хуульд заасан хамгийн хатуу арга хэмжээг авна гэж найдаж байна. Парламентын халдашгүй байдал гэдэг чинь улс орны минь халдашгүй байдлын дархлаа шүү

Хааны Бага тэнгэр дэх орд харшийг зөвлөхөөр нь ажиллаж байгаад өдгөө УИХ-ын гишүүн болсон Мөнхсайхан барьж өгсөн нь үнэн юм байна. Газрыг нь Анандбузар гаргаж, барилгыг нь гардан гүйцэтгэсэн хүн Мөнхсайханы барилга хариуцсан захирал Ганхөлөг байж. Хааны харшийг барих ажил 2023 онд эхэлсэн гэхээр энэхүү өргөл барьцыг барьсны шагналд аль аль нь УИХ-д нэр дэвших мандат авсан юмдаг уу даа😅

Эвий минь дээ Таны харж буй энэ амьтанг Уссурын хандгай гэдэг. Монгол Улсын төрийн албан ёсны баримтуудад түүнийг Дорнын молцог хандгай хэмээн тэмдэглэн үлдээж. Энэхүү нэн ховор амьтанг тэртээ 2004 онд тоолоход ердөө 74-хөн ширхэг тоологдсон тул түүнийг нэн ховор амьтны жагсаалт болох Улаан номд бүртгэсэн юм байна. Хүний хөл битгий хэл хэний ч мөр гаргалгүй дархлан хамгаалсаар ирсэн Нөмрөгийн сав газарт л энэ амьтан амьдардаг байж. Гэвч түүнийг галдаад устгачихлаа. Энэ бодьгалиас ганц ширхэг үлдсэн эсэх нь одоо ч тодорхойгүй. Ариун дагшин эх оронг минь ан амьтадтай нь цуг галдчихаад байхад яагаад ганц ч амьтны сэг зэм олдоогүй хэмээн төрийн эрх бүхий байгууллага донгосоод байгааг би ойлгохгүй байна. Энэ тэгээд яг юу юм. Хиймэл оюун л гэж битгий хэлээрэйдээ Монгол Улсын Засгийн газар Харамсаад баршгүй😭