Dr. Michael Melad

🛑 تخيل لو حد قال: “لو شفت مسلم بياكل لحمة في رمضان هدوس على وشه، ولو شفت مسلمة لبسها مش عاجبني هساوي وشها بالأسفلت!” كان هيحصل إيه؟ القبض عليه فوراً، اتهامات بـ”إثارة الفتنة” و”تهديد السلم العام”، والناس كلها تطالب بعقوبة قاسية! 📢 لكن اللي في الصورة ده قال الكلام بالعكس تماماً! هدد المسيحيين: “لو شفت مسيحي بيشرب سيجارة في رمضان هضربه، ولو بنت لابسة نص كم هسحلها” لأن واحدة “فطرته” زي ما قال! 😡 التحريض ده شرارة نار ممكن توصل لدماء بريئة! زي فتنة دهشور اللي بدأت بخناقة بسيطة بين مكوجي وزبون، وانتهت بموت ولد مسلم 19 سنة، وغيرها من جرائم الكراهية اللي بتنهي حياة ناس مالهمش ذنب. إحنا بنحصد زرعة السبعينات، لما شيوخ الفتنة زرعوا في عقولنا إن “الآخر” عدو، و”الغيرة على الدين” تعني كسر عينه أو إجباره على طقوسك! وصلنا لمرحلة مرعبة: تكره إنسان وتستحل دمه لمجرد إنه من دين تاني، وأنت عمرك ما كلمته! ليه؟! 🤯 وده بيحصل في شهر الرحمة والإحسان! كل واحد مسؤول عن أفعاله، وهيتحاسب لوحده. مفيش دين يعطي توكيل لبشر ينصبوا نفسهم وصيين على خلق الله بالضرب والسحل! 🙏 استقيموا يرحمكم الله.. خلونا نبني مجتمع تسامح مش كراهية.