بھارت کے اسٹار آل راؤنڈر ہارڈک پانڈیا نے ایک تاریخی کارنامہ سرانجام دے کر سب کے دل جیت لیے۔ بھارتی میڈیا کی رپورٹ کے مطابق پانڈیا نے گزشتہ 15 دنوں سے فٹ پاتھ پر سونے والے غریب محمد عاطف اور اس کی ضعیف ماں کی فریاد سن لی۔ رپورٹ کے مطابق، ممبئی کے عاطف کے والد کچھ عرصے قبل دل کے دورے کے باعث انتقال کر گئے تھے، جو ایک آٹا مل کی گاڑیوں میں لوڈنگ کا کام کرتے تھے۔ والد کی وفات کے بعد عاطف، اس کی بہن اور ماں بے سہارا ہو گئے۔ عاطف خود اسکول میں پڑھتا تھا اور حالات یہاں تک پہنچ گئے کہ دو ماہ کا کرایہ ادا نہ کرنے پر مالک مکان نے ان کا سامان باہر پھینک کر گھر کو تالا لگا دیا۔ مایوسی کے عالم میں نوجوان عاطف اور اس کی بہن نے ہارڈک پانڈیا کے نام ایک اپیل کی، جو پانڈیا تک پہنچ گئی۔ پانڈیا نے فوری طور پر عاطف اور اس کے خاندان کو اپنے گھر بلایا، ممبئی میں ان کے لیے دو کمروں کا گھر خرید کر عاطف کی ماں کے نام ٹرانسفر کر دیا اور کہا: 'اب آپ کو یہاں سے کوئی نہیں نکال سکتا۔' یہی نہیں بلکہ انہوں نے یہ بھی اعلان کیا کہ جب تک عاطف کو کوئی نوکری نہیں مل جاتی، ہر ماہ کی پہلی تاریخ کو بیس ہزار روپے ان کی طرف سے ملتے رہیں گے۔ اس اس فراخ دلی پر لوگ پانڈیا کو حقیقی زندگی کا ہیرو قرار دے رہے ہیں 👍♥️