Ajmal Ahmadani

🚨 حامد میر کا گلبرگ گرینز میں چھ کنال کا فارم ہاؤس: ثبوت ،دستاویزات، مبینہ فوائد اور چند اہم سوالات! حامد میر صاحب نے صحافیوں پر خفیہ اداروں سے مالی فوائد حاصل کرنے اور ان کے ایجنڈے کے مطابق لکھنے کے الزامات عائد کیے ہیں۔ اگر صحافت میں مالی مفادات، ادارہ جاتی تعلقات اور مراعات سوالات اٹھانے کا موضوع ہیں، تو پھر یہی اصول ہر صحافی پر یکساں لاگو ہونا چاہیے۔ حامد میر صاحب اس وقت مبینہ طور پر تقریباً ایک ارب روپے مالیت کے چھ کنال کے فارم ہاؤس میں رہائش پذیر ہیں۔ اس حوالے سے دستیاب دستاویزات پر چند اہم سوالات سامنے آتے ہیں، جن کے جوابات عوام کے سامنے آنے چاہییں۔ معاملہ کیا ہے؟ گلبرگ گرینز، اسلام آباد میں واقع سول خفیہ ایجنسی انٹیلجنس بیور کی ہاوسنگ سوسائٹی ہےدستیاب دستاویزات کے مطابق، حامد میر صاحب نے 12 مار 2014 کو چھ کنال کا ایک فارم ہاؤس پلاٹ الاٹ ہوا ، جو سیکٹر ڈی میں واقع تھا۔ یہ سیکٹر نسبتاً غیر آباد بتایا جاتا ہے۔ بعد ازاں، عمران خان کی حکومت کے خاتمے اور پی ڈی ایم کے دورِ حکومت میں، 23 ستمبر 2022 کو مبینہ طور پر یہ پلاٹ سیکٹر ڈی سے منتقل کرکے سیکٹر اے میں کر دیا گیا۔ سیکٹر اے کو سوسائٹی کا اہم اور مہنگا علاقہ سمجھا جاتا ہے، جہاں اعلیٰ فوجی افسران کی رہائش گاہیں بھی موجود ہیں۔ اسی علاقے کے قریب سابق چیئرمین سی پیک اتھارٹی عاصم سلیم باجوہ کی رہائش گاہ ہے اس معاملے میں درج ذیل سوالات کے جواب ضروری ہیں: 1۔ ہاؤسنگ سوسائٹی میں پلاٹ لینے کی بنیاد کیا تھی؟ حامد میر صاحب، اگر آپ خود کو اصول پسند اور آزاد صحافت کا علم بردار سمجھتے ہیں، تو ایک ایسی ہاؤسنگ سوسائٹی میں چھ کنال کا پلاٹ خریدنے کی ضرورت اور اس کی بنیاد کیا تھی، جس کا تعلق خفیہ ایجنسی سے ہے؟ کیا یہ پلاٹ عام کمرشل یا اوپن مارکیٹ خریداری کے ذریعے حاصل کیا گیا، صحافیوں کے کسی مخصوص کوٹے کے تحت ملا، یا کسی خصوصی رعایت یا تعلق کی بنیاد پر حاصل ہوا؟ اگر کوئی خصوصی کوٹا یا رعایت تھی، تو اس کی شرائط کیا تھیں؟ 2۔ پلاٹ کی اصل قیمت اور منی ٹریل کیا ہے؟ یہ پلاٹ کس قیمت پر خریدا گیا؟ خریداری کے وقت اس کی سرکاری اور مارکیٹ ویلیو کیا تھی؟ ادائیگی کس ذریعے سے کی گئی، اور کیا اس کی مکمل مالی دستاویزات اور منی ٹریل موجود ہیں؟ اگر آج اس فارم ہاؤس کی مالیت تقریباً ایک ارب روپے بتائی جا رہی ہے، تو اس مالیت کا تعین کس بنیاد پر کیا گیا؟ پلاٹ کی قیمت اور اس پر تعمیرات کی لاگت کو الگ الگ واضح کرنا بھی ضروری ہے۔ 3۔ سیکٹر ڈی سے سیکٹر اے میں منتقلی کیسے ہوئی؟ یہ اس معاملے کا سب سے اہم سوال ہے۔ سیکٹر ڈی اور سیکٹر اے کی زمین کی قیمت، محلِ وقوع اور اہمیت میں نمایاں فرق بتایا جاتا ہے۔ یہ فرق تقریباً ایسا ہے جیسے اسلام آباد میں کسی شخص کا پلاٹ آئی ٹین سے منتقل کرکے ایف 6 مارگلہ روڈ میں دے دیا جائے۔ اگر پلاٹ واقعی سیکٹر ڈی سے سیکٹر اے میں منتقل کیا گیا، تو اس منتقلی کی قانونی اور انتظامی بنیاد کیا تھی؟ کیا یہ معمول کی پالیسی کے تحت ہوئی یا کسی خصوصی منظوری سے؟ کیا دونوں سیکٹرز کے درمیان قیمت کے فرق کی ادائیگی کی گئی؟ کیا اس منتقلی کے لیے متعلقہ اتھارٹی کی منظوری، بورڈ کی کارروائی اور دیگر ضروری دستاویزات موجود ہیں؟ اور سب سے اہم سوال: کیا یہی سہولت عام الاٹیز کو بھی دستیاب ہے، یا یہ کسی خاص فرد کے لیے خصوصی رعایت تھی؟ 4۔ مختلف ادوار میں مبینہ فوائد اور طاقت ور حلقوں سے تعلقات کی وضاحت کیا ہے؟ حامد میر صاحب، آپ کے ناقدین آپ اور آپ کے خاندان کے مختلف فوجی ادوار میں مبینہ فوائد اور سرکاری اداروں سے وابستگیوں پر بھی سوال اٹھاتے رہے ہیں۔ ان دعوؤں کی حقیقت واضح کرنا ضروری ہے: * آپ کی اہلیہ مشرف دور میں پی ٹی وی سے وابستہ تھیں، اور آپ کی بیٹی کے بھی موجودہ دور میں پی ٹی وی پر آنے کا ذکر کیا جاتا ہے۔ ان تقرریوں یا مواقع کی نوعیت اور بنیاد کیا تھی؟ * آپ کے بھائی نگران حکومت کے دور میں وزیر بنے۔ ان کی تقرری کا پس منظر کیا تھا؟ * آپ کے بارے میں یہ بھی کہا جاتا ہے کہ آپ جنرل قمر جاوید باجوہ سے طویل ملاقاتیں کرتے اور انہیں مشورے دیتے تھے، حتیٰ کہ ایک ملاقات آٹھ گھنٹے جاری رہنے کا دعویٰ بھی کیا جاتا ہے۔ ان ملاقاتوں کی نوعیت اور مقصد کیا تھا؟ * ان تمام معاملات کی روشنی میں یہ سوال بھی پیدا ہوتا ہے کہ کیا آپ نے کسی دور میں کسی قسم کی خصوصی رعایت، سہولت یا فائدہ حاصل کیا؟ آزادیٔ صحافت کا تقاضا صرف دوسروں سے سوال کرنا نہیں، بلکہ اپنے بارے میں اٹھنے والے جائز سوالات کا جواب دینا بھی ہے

🚨🚨آیئے راجہ شہزاد المعروف @RShahzaddk کی ایک اور ماضی کی حقیقت سے پردہ اٹھاتے ہیں!! قصہ ہے چھپن لاکھ (DKK 137000 ڈینش کرونز) کے عوض پروپیگینڈہ کمپین کا!! میرے سول سروس کے آخری دنوں میں جب میں سرکاری سوشل میڈیا کے ادارے سائبر ونگ کا ڈپٹی ڈائیریکٹر تھا، تب پہلی بار راجہ شہزاد سے متعلق کیا کیا شرمناک انکشافات ہوئے؟ سنیئے!!! کیا آپ نے کبھی سوچا ہے میں راجہ شہزاد کو rent-a- propagandist کیوں کہتا ہوں؟ یہ سمجھنے کے لیئے آپ کو پہلے موصوف کی سوشل میڈیا پر اینٹری کی تاریخ میں جانا پڑے گا۔ راجہ شہزاد تعلیم و پیشے کے اعتبار سے ایک غیرمعروف سائیکالوجسٹ ہیں۔ لیکن عمران خان کیخلاف تحریکِ عدم اعتماد اور عمران خان کے اقتدار سے جانے کے بعد جب پاکستان میں سوشل میڈیا ایک طاقتور پلیٹ فارم کی شکل اختیار کرگیا اور بہت سے لوگوں نے سوشل میڈیا کو فوری روزی کمانے کا ذریعہ بنانا شروع کیا تو راجہ شہزاد نے بھی اس بہتی گنگا میں نہانے کا فیصلہ کیا۔ شروع میں پی ڈی ایم کے حکومتی حلقوں میں جان پہچان بنانے کے لیئے اس نے بےلوث اور بلامعاوضہ حکومت بالخصوص ن لیگ کی مدح سرائی کی اور عمران خان اور پی ٹی آئی کیخلاف تضحیک آمیز trends چلائے۔ اس نے ابتداء میں دس سے پندرہ لوگوں پر مشتمل اپنی ذاتی سوشل میڈیا ٹیم بنائی جس کے ارکان پاکستان، متحدہ عرب امارات اور یورپ میں مقیم تھے۔ فطرتاٌ اسے پھر ن لیگ میں پذیرائی ملنا شروع ہوئی۔ اس کے بعد 2024 کے انتخابات میں ن لیگ کے لیئے سوشل میڈیا پر خوب انتخابی مہم اور trends چلائے جس کا اسے اس کی حیثیت سے زیادہ معاوضہ بھی دیا گیا جس سے اس نے اپنی سوشل میڈیا ٹیم کو مزید وسیع کیا۔ اب کسی جماعت کا اپنی انتجابی مہم کے لیئے میڈیا ٹیم کی خدمات لینا اور اسے معاوضہ دینا کوئی معیوب بات نہیں، ہر سیاسی جماعت یہ کرتی ہے۔ X پر کامیابی کے بعد راجہ شہزاد نے اپنے ہی جیسے ایک بدزبان کیساتھ مل کر 2024 میں یوٹیوب چینل بھی بنایا پر لوگوں نے ان کی شکلیں اور بدزبانی دیکھ کر ان کے چینل کو مسترد کردیا۔ اب سنیئے راجہ شہزاد پیسوں اور ذاتی فوائد کے لیئے اخلاق اور شرم کی حد سے کب اور کیسے گرا؟؟ سب سے پہلے راجہ شہزاد نے انتخابی مہمات کا بھاری معاوضہ حاصل کرنے کے باوجود ن لیگ کی موجودہ حکومت سے مزید فوائد کی امیدیں وابستہ کرتے ہوئے مالی فوائد کے علاوہ دیگر فوائد کا تقاضہ شروع کردیا جس میں سرکاری سوشل میڈیا DCD کی سربراہی، پی ٹی وی میں اپنی کم سن بیٹی کے لیئے paid internship اور ad agency قائم کرنے کی صورت میں پی آئی ڈی کے کروڑوں کے اشتہارات شامل ہیں۔ جب ن لیگ کی حکومت بالخصوص وزیر اطلاعات عطاء تارڑ صاحب نے اس کی ناجائز مانگیں پوری کرنے سے معذرت کردی تو اس نے ن لیگ کے رہنماء مریم اورنگزیب صاحبہ اور عطاء تارڑ کیخلاف بدترین مہم چلانا شروع کردی اور ن لیگ کی حکومت پر بدترین تنقید شروع کردی۔ جس کے بعد ن لیگ کی سوشل میڈیا نے اسے آڑے ہاتھوں لیا اور اسے گھر تک پہنچایا اور پھر روتے روتے اپنی گندی ذہنیت اور بدزبانی سے متاثرہ خواتین سے معافیاں مانگتا نظر آیا۔ ن لیگ سے مایوس ہونے کے بعد راجہ شہزاد ایک freelance propagandist بن گیا اور پھر اسے عمران خان، پی ٹی آئی کی خواتین اور خواتین صحافیوں کی کردار کشی کا مشن سونپا گیا اور اس کے عوض اسے چھپن لاکھ روپے کا پیکیج فراہم کیا گیا۔ پر موصوف تھوڑے چالاک ہیں انہوں نے یہ خطیر رقم پاکستان اور پاکستانی روپوں میں لینا ٹھیک نہیں سمجھا اور پھر راجہ شہزاد نے دنمارک کی کرنسی میں DKK 137000 ڈینش کرونز میں کیش وصول کیئے جو اسے یورپ میں مقیم ایک پاکستانی نژاد سیاست سے وابستہ غیرمعروف شخصیت نے ادا کیئے۔ یہاں میں وزیرِاعلی پنجاب مریم نواز شریف صاحبہ کو خراجِ تحسین پیش کروں گا جنہوں نے خواتین کی عزت اچھالنے پر راجہ شہزاد کے لیئے ن لیگ کے دروازے ہمیشہ کے لیئے بند کردیئے اور ن لیگ کے سوشل میڈیا کو اسے اگنور کرنے کی ہدایت کی۔ اب یہ موصوف پیشہ ور rent-a-propagandist کی حیثیت اختیار کر چکے ہیں۔ پیسے دیجیئے اور لوگوں کی عزت اچھلوایئے۔ اجکل حامد میر صاحب اور ان کی فیملی کیخلاف مہم کے سرپرستِ اعلی ہیں۔ خود ہی بتادیں اس پراجیکٹ کے کتنے پیسے پکڑے ہیں؟ دوستو! سوشل میڈیا پر ہر بات دلچسپ ہوسکتی ہے لیکن ہر بات سچ نہیں ہوتی۔ اس رذیل کو مسترد کیجیئے۔ آج یہ @HamidMirPAK صاحب اور اب میرے اور میرے خاندان کیخلاف مہم چلا رہا ہے کل آپ کی بہن بیٹیوں کی عزت اچھالے گا۔ ہمارا ملک ایسے عناصر کو قوم میں کوئی جگہ دینے کا متحمل نہیں۔ @TararAttaullah صاحب سے گزارش ہے کہ اس رذیل کا منہ بند کرنے کے لیئے ہر ممکن قانونی اقدام لیں۔ شکریہ