महाराष्ट्रात, देशाचे आयटी हब तसेच रोजगार निर्मितीचे एक अत्यंत महत्त्वाचे केंद्र असूनही, येथील पायाभूत सुविधांची अवस्था मात्र अत्यंत दयनीय आहे. जी मेट्रो गेल्या ४ महिन्यांहून अधिक काळ तयार आहे आणि जिचे उद्घाटन ३ नोव्हेंबरला होणार असल्याचे सांगितले जात होते, ती मेट्रो पुन्हा एकदा लांबणीवर पडली आहे; कारण व्हीआयपींच्या तारखांच्या यादीत हिंजवडीला प्राधान्यच दिलेले नाही. खरं तर, @CMOMaharashtra यांनी ही मेट्रो तातडीने सुरू करून द्यायला हवी आणि तिचे अधिकृत उद्घाटन नंतर कधीही केले तरी चालेल. मेट्रो मार्गाच्या खालील भागाकडेही तातडीने लक्ष देण्याची गरज आहे- तिथले फूटपाथ, रस्ते, दुभाजक, बस थांबे आणि पथदिवे अत्यंत दुरवस्थेत आहेत. सोबत दिलेल्या फोटोंमध्ये आम्ही भेट दिलेले एक ठिकाण दिसत आहे, जिथे आजूबाजूच्या गृहनिर्माण संस्थांना थेट प्रदूषित आणि आटलेल्या नदीतून पाणी घ्यावे लागत आहे. हे पाणी पिण्यायोग्य अजिबात नाही. ह्या राजवटीच्या काळात महाराष्ट्राच्या आयटी हबची ही अशी अवस्था झाली आहे. मंत्र्यांकडे रोजगार निर्माण करणाऱ्या आणि आर्थिकदृष्टया महत्त्वाच्या असलेल्या ह्या केंद्रासाठी अजिबात वेळ नाही, आणि मुख्यमंत्री फक्त पोकळ आश्वासने देण्यातच धन्यता मानत आहेत. जागतिक पातळीवर नावाजलेल्या ह्या क्षेत्रातील रहिवाशांना मेट्रोच्या उद्घाटनासाठी, वाहतूक कोंडीच्या समस्येसाठी, कचरा व्यवस्थापनासाठी आणि पाणीपुरवठ्यासाठी लढा द्यावा लागत आहे, ही अत्यंत लाजीरवाणी गोष्ट आहे. जर इथल्या मोठ्या कंपन्यांनी (काही 'फॉर्च्यून ५००' मधील) स्थलांतर करण्यास सुरुवात केली किंवा त्या येथे येण्यास नकार देऊ लागल्या, तर त्यासाठी केवळ आणि केवळ हीच राजवट कारणीभूत असेल!

Standing with you! Your voice is important, and so is your contribution to growth. The regime must give you the basics that you have been asking for.