Left view

41 தலித் குடும்பங்களுக்கு வீட்டுமனை வழங்கக் கோரி மாபெரும் காத்திருப்புப் போராட்டம்! கிருஷ்ணகிரி மாவட்டம், சூளகிரி வட்டம், சானமாவு கிராமத்தில் வசிக்கும் 41 தலித் குடும்பங்களுக்கு 1998ஆம் ஆண்டு ஆதிதிராவிடர் நலத்துறையால் இலவச வீட்டுமனைக்கான நிலம் ஒதுக்கீடு செய்யப்பட்டது. தொடர்ந்து, 16.10.2023 அன்று வருவாய்த்துறையால் நிலம் அளவீடு செய்யப்பட்டு வீட்டுமனைகளாகப் பிரிக்கப்பட்டும், இதுவரை உரிய பயனாளிகளிடம் ஒப்படைத்து வீடு கட்டுவதற்கான நடவடிக்கையை அரசு மேற்கொள்ளவில்லை. 28 ஆண்டுகளாக வீட்டுமனைக்காகக் காத்திருக்கும் 41 குடும்பங்களின் உரிமையை அரசு இனியும் புறக்கணிக்கக் கூடாது! ஒதுக்கீடு செய்யப்பட்ட நிலத்தை உடனடியாகப் பயனாளிகளிடம் ஒப்படைத்து, அவர்கள் வீடு கட்டுவதற்கான நடவடிக்கைகளை மேற்கொள்ள வலியுறுத்தி, தமிழ்நாடு தீண்டாமை ஒழிப்பு முன்னணி சார்பில் 27.10.2026 அன்று மாபெரும் காத்திருப்புப் போராட்டம் நடைபெற்று வருகிறது. போராட்டத்தைக் காவல்துறை தடுத்து நிறுத்த முயன்றபோதும், தடையை மீறி ஒதுக்கீடு செய்யப்பட்ட நிலத்திலேயே தோழர்கள் காத்திருப்புப் போராட்டத்தில் ஈடுபட்டு வருகின்றனர். இப்போராட்டத்தில் தலித் விடுதலைக்கான தேசிய மேடையின் (#DSMM) அகில இந்திய துணைத் தலைவரும், #CPIM மாநில செயற்குழு உறுப்பினருமான கே.சாமுவேல்ராஜ், #ததீஒமு மாநிலத் துணைத்தலைவர் ஜி.ஆனந்தன், மாவட்டத் தலைவர் ஏ.ஆனந்தகுமார், மார்க்சிஸ்ட் கம்யூனிஸ்ட் கட்சியின் கிருஷ்ணகிரி மாவட்டச் செயலாளர் சி.சுரேஷ், மாவட்ட செயற்குழு உறுப்பினர்கள் உள்ளிட்ட ஏராளமான தோழர்கள் பங்கேற்றுள்ளனர்.