فيه تعليقات كتير بتتكلم عن إن اللغة العربية لغة مشتقات، وده اللي بيخلي مفرداتها أكتر من الإنجليزية حسابياً (١٢ مليون). وده حساب غير دقيق؛ لأن رقم الـ ١٢ مليون ده أصله حساب الخليل بن أحمد لكل تقاليب الحروف الممكنة من حرفين لخمسة، سواء المستعمل منها أو المهمل (12,305,412 حسب ما نقله السيوطي)، أما في الإنجليزية فالمفردات الحقيقية حسب معجم أكسفورد فيها 520,779 مدخل. كلمة زي "لعب" مثلاً ترجمتها play؛ في العربية كل تصريف ليها بيتحسب مفردة جديدة زي "سيلعب، لعب، ألعب، لعبوا"، لكن دي تصريفات نحوية مش كلمات جديدة ومستقلة. أما في الإنجليزية فبتتحسب مفردة واحدة وهي play وبيتم إلحاق كلمات تانية بيها للتصريف زي: "will play, he played, they played, etc." فلما نعد المفردات على الأساس الصحيح ده، بتكون المفردات الإنجليزية حوالي ٥٠٠ ألف حسب معجم أكسفورد، والعربية حوالي ٣٠٠ ألف حسب معجم الدوحة. المصادر : arxiv.org/pdf/1311.6045 qatar-tribune.com/article/21… scribd.com/document/48911567…