Truth Sp3ak

جب چھیڑا نہیں جاتا تو درجن لوگ بھی کہیں نہیں ہوتے اور جب ان پر طاقت آزمائی جائے تو درجن لوگ منٹوں میں پھیل کر ہزاروں کا مجمع بن جاتا ہے۔ انسانی تاریخ ایسی مثال پیش کرنے سے قاصر ہے۔ راولاکوٹ ایک نئی تاریخ رقم کر رہا ہے۔ جو ان کے درجے کی مزاحمت سے قاصر ہیں وہ دل سے سراہنے پر مجبور ہیں۔🍁

نیلم وادی سے منسوب سونے کے وسیع ذخائر اور ھماری مفلسی:::: ھیروڈاٹس دنیا کی تاریخ کا باوا آدم مانا جاتا ہے ۔موصوف کا بیان ہے کہ کشمیر کے شمالی پہاڑی وادیوں میں سونے کے وسیع ذخائر موجود ہیں ۔فاضل مؤرخ یہاں کی gold digger ants نامی مخلوق کا ذکر کرتا ہے کہ بلی کی جسامت والا یہ جانور اپنے بل کھودنے کے لئے زمین سے سنہرے رنگ کی ریت باہر پھینکتا ہے جس میں سونے کے ذرات شامل ہوتے ہیں ۔ان ذرات سے یہاں کے لوگ سونا حاصل کرتے ہیں ۔۔۔ اس بیان کی تصدیق بعد کے مورخین Megasthenes اور پلنی ایلڈر نے بھی کی ہے ۔۔۔ بعد کے انگریز محققین --- میجر بیٹس اور Captain Montgomery نے نیلم وادی کے بلند پہاڑی سلسلوں اور دیوسائی کے میدانوں میں پائے جانے والے مارموٹ (کھن چوہے) کو ھیروڈاٹس کی gold digger ant مانتے ہوئے یونانیوں کی بات کی تصدیق کر دی ہے ۔۔۔ جدید مورخین میں پنڈت کلہن کو کشمیر کی حد تک اتھارٹی تسلیم کیا گیا ہے ۔موصوف وادی نیلم میں سونے کی افراط کے ضمن میں اپنی کتاب کی جلد ھشتم کے اشلوک نمبر 2842میں ۔۔" ( کشن گنگا کی وادی میں راجا کشمیر جیا سمہا اور پرنس بھوج کے درمیان لڑی جانے والی جنگ کا حال بیان کرتے ہوئے کہتاہے).." مغرور درد جنگجو (نیلم وادی کے لوکل جنگجو) جب جنگ لڑنے کے لئے پہاڑوں سے وادی میں اترے تو انہوں نے اپنے جنگی گھوڑوں کو دشمن کی کاٹ سے بچانے کے لئے سونے سے تیار شدہ زرہ میں ملبوس کیا تھا ۔۔۔۔ اشلوک نمبر 2845 میں اسی سلسلے میں رقمطراز ہے ۔" راجا کشمیر نے ان خونخوار جنگجوں کو روکا جن کی تمام سپاہ چمکدار سونے کے ملبوسات پہنے ہوئے تھیں جس کی چمک سے آنکھیں چندھیا جاتی تھی ۔۔۔۔ یعنی کہ یہ بات کنفرم ہے کہ چار سو قبل مسیح سے لے کر 1148 عیسوی تک (تقریباً ڈیڑھ ھزار سال)تک نیلم وادی کو سونے کی صنعت میں مکمل اجارہ داری حاصل تھی ۔۔۔جو لوگ اپنے گھوڑوں تک کو سونا پہنائیں ان کے پاس تو کچھ نہ کچھ ذخائر ھوئے ھونگے ۔۔۔۔۔ عصر حاضر کے تحقیق کاروں میں میجر بیٹس نے Gazetteer of kashmir میں کیپٹن مونٹ گمری کے حوالے سے لکھا ہے کہ دیوسائی کے جو آبی ذخائر کشن گنگا کی طرف بہتے ہیں ان پانیوں کی ریت میں سونے کے وسیع ذرات پائے جاتے ہیں ۔ مغل شہنشاہ اکبر کے درباری مورخ ابو الفضل نے بھی آئین اکبری میں سونے کے ان ذخائر کی موجودگی کا ذکر کیا ہے ۔۔۔ بڈھ شاہی دور کی تاریخ زون راج ترنگنی میں بھی نیلم وادی کے ان ذخائر کا تزکرہ موجود ہے M.A.Stein نے زیر عنوان The Shrine of Sharda کے فٹ نوٹ نمبر B37 میں اس تفصیل کو لکھا ہے جس کے تحت بڈھ شاہی دور میں نیلم وادی سے سونے کی برآمد پر چھے فیصد شرح سے ٹکس عائد کیا گیا تھا ۔۔ اب آتے ہیں اس طرف کہ مضمون لکھنے کا مقصد کیا ہے ۔۔۔۔۔سوال پیدا ہوتا ہے کہ اگر پچھلے ڈیڑھ ھزار سال سے ھماری نیلم وادی سونے کے ذخائر کے اعتبار سے اسقدر آ سودہ حال تھی تو کون سے معروضی حالات ایسے پیدا ہوئے کہ یہاں کے باشندے دنیا کے پسماندہ ترین طبقات میں شامل ہو گئے ۔۔۔۔ کسی زمانے میں یہاں کا elite طبقہ سوائے جنگلی شکار کے کچھ کھاتا ہی نہیں تھا ۔۔۔کیا وجہ ہے کہ اسی سرزمین کا باشندہ نان خشک کے لئے کوہالہ اور برار کوٹ پر نظریں جمائے بیٹھا ہے کہ کب پاکستان سے آٹے کا ٹرک آئے گا اور وہ اپنی بھوک مٹائے گا ۔۔۔۔ باوجود اس کے کہ ھمارے پاس اپنے انجینئر اور سانئس دان موجود ہیں ۔۔۔۔۔ میرے نزدیک اس کی واحد وجہ یہ ہے کہ ھمیں اپنی سرزمین سے پیار نہیں ہے ۔۔۔۔ ھم اپنے علاقے میں رھ کر اپنے وسائل کو بروئے کار لانے اور انہیں ترقی دینا اپنی توھین سمجھتے ہیں ۔۔۔۔ اللہ ھمیں ھدایت دے۔ بشکریہ ~خواجہ عبد الغنی صاحب