Ak bar

شائستہ نور کلمتی کی جبری گمشدگی بلوچ خواتین کو خوفزدہ کرنے اوربلوچ خاندانوں کو اجتماعی سزا دینے کی پالیسی کا حصہ ہے۔ بلوچ یکجہتی کمیٹی بلوچستان میں ہر روز ریاستی فورسسز بدترین انسانی حقوق کے پامالیاں کر رہے ہیں، اور بلوچ نسل کشی کے تسلسل میں آئے روز شدت لائی جارہئ ہے۔ گوادر کے علاقے جیونی، پانوان میں 9 نومبر کی رات تقریباً ایک بجے 21 سالہ شائستہ نور کلمتی، دخترِ نور محمد کلمتی، کو گھر سے جبری طور پر اٹھا کر لاپتہ کر دیا گیا۔ شائستہ دل کے عارضے میں مبتلا ہیں، ان کی دل کی سرجری بھی ہو چکی ہے اور انہیں مسلسل علاج، ادویات اور طبی نگرانی کی ضرورت ہے۔ انہیں خون کی بیماری بھی لاحق ہے، جس کے باعث ان کی زندگی اور صحت کو فوری خطرات لاحق ہیں۔ ایک ایسی نوجوان خاتون کو، جس کی زندگی مسلسل طبی نگہداشت سے وابستہ ہے، گھر سے اٹھا کر تحویل میں رکھنا ان کی صحت، زندگی اور بنیادی حقوق کی سنگین پامالی ہے۔ شائستہ نور کلمتی کو آج کاؤنٹر ٹیررازم ڈیپارٹمنٹ نے عدالت میں پیش کیا، جہاں سے انہیں ایک ہفتے کے جسمانی ریمانڈ پر بھیج دیا گیا۔ اطلاعات کے مطابق، تقریباً دو سال قبل انہیں ایک نامعلوم ایف آئی آر میں نامزد کیا گیا تھا۔ اگر ان کے خلاف کوئی مقدمہ درج تھا تو قانون کے مطابق انہیں گرفتار کرکے بروقت عدالت میں پیش کیا جانا چاہیے تھا، نہ کہ رات کی تاریکی میں گھر پر چھاپہ مار کر انہیں زبردستی اٹھایا جاتا اور ان کے خاندان کو خوف و ہراس میں مبتلا کیا جاتا۔ کسی مقدمے میں نامزدگی کسی فرد کو جبری گمشدگی، غیر قانونی حراست یا اس کے بنیادی انسانی حقوق سلب کرنے کا جواز فراہم نہیں کرتی۔ شائستہ کی جبری گمشدگی واحد سانحہ نہیں بلکہ اس خاندان کو طویل عرصے سے مسلسل ریاستی دباؤ، چھاپوں اور اجتماعی سزا کا نشانہ بنایا جا رہا ہے۔ 2 اپریل کو پاکستانی فورسز نے ان کے گھر کا محاصرہ کیا، تاہم اس وقت کوئی واقعہ پیش نہیں آیا۔ دو روز بعد فورسز پولیس کے ہمراہ دوبارہ رات کے وقت گھر پہنچیں اور اہلِ خانہ سے پوچھ گچھ کی۔ 16 اپریل کو دوبارہ گھر پر چھاپہ مار کر شائستہ کے بھائی سترہ سالہ علی اصغر کلمتی کو اپنے ساتھ لے جایا گیا، جو تاحال جبری گمشدگی کا شکار ہیں۔ اس کے محض تین روز بعد، 19 اپریل کی رات، فورسز ایک بار پھر گھر میں داخل ہوئیں اور خاندان کے واحد معاشی سہارے، تقریباً پچیس لاکھ روپے مالیت کے انجن کو اپنے ساتھ لے گئیں۔ عید کی رات بھی گھر پر فورسسز نے دھاوا ڈالا تاہم گھر میں صرف والدہ اور تین بہنیں موجود ہونے کے باعث اہلکار بغیر کسی کارروائی کے واپس چلے گئے۔ 6 جولائی کو خاندان کا گھر بھی مسمار کر دیا گیا، جس کے بعد گھر میں موجود بوڑھوں و بچوں کو عارضی پناہ کے لیے در بدر پھرنا پڑھا۔ ایک ہی بلوچ خادان سے ان کا گھر، روزگار کا واحد ذریعہ اور بیٹا اور بیٹی چھین لیے گئے۔ 8 نومبر کو اہلکار ایک بار پھر گھر پہنچے، اہلِ خانہ پر تشدد کیا اور شائستہ کو اپنے ساتھ لے جانے کی کوشش کی، تاہم گھر والوں کی مداخلت کے باعث وہ اس وقت انہیں لے جانے میں کامیاب نہ ہو سکے۔ اگلی رات زیادہ نفری کے ساتھ دوبارہ چھاپہ مارا گیا۔ اس کارروائی میں کاؤنٹر ٹیررازم ڈیپارٹمنٹ (CTD) سے منسلک مرد و خواتین اہلکار سادہ لباس میں ملبوس تھے۔ اہلکاروں نے گھر کی تلاشی کے دوران توڑ پھوڑ کی، سامان کو نقصان پہنچایا اور خاندان کے موبائل فون بھی قبضے میں لے لیے، جبکہ شائستہ کو زبردستی اپنے ساتھ لے گئے۔ بلوچ خواتین کو ان کے گھروں، تعلیمی اداروں اور روزمرہ زندگی میں خوف، ہراسانی اور جبری گمشدگیوں کا سامنا کرنا پڑ رہا ہے۔ خواتین کو نشانہ بنانا، خاندانوں کو معاشی طور پر مفلوج کرنا، گھروں کو مسمار کرنا اور بچوں کو جبری طور پر لاپتہ کرنا بلوچستان میں ریاستی جبر اور اجتماعی سزا کی ایک منظم صورت اختیار کر چکا ہے۔ یہ اقدامات بلوچ معاشرے کو خوف، عدم تحفظ اور بے یقینی میں مبتلا رکھنے کی پالیسی کا حصہ ہیں۔ پانوان میں مسلسل چھاپوں، گھروں کی مسماری اور ہراسانی کے باعث مقامی آبادی کی زندگی بری طرح متاثر ہوئی ہے اور ہزاروں خاندان نقل مکانی پر مجبور ہوئے ہیں۔ بلوچ یکجہتی کمیٹی مطالبہ کرتی ہے کہ شائستہ نور کلمتی کو فوری طور پر رہا کیا جائے، ان کی صحت اور زندگی کے تحفظ کو یقینی بنایا جائے اور انہیں فوری طور پر مکمل طبی سہولیات فراہم کی جائیں۔ ان کی بیماریوں اور سابقہ دل کی سرجری کے پیشِ نظر علاج میں کسی قسم کی تاخیر ان کی زندگی کے لیے خطرناک ثابت ہو سکتی ہے۔ علی اصغر کلمتی کو بھی فوری طور پر منظرِ عام پر لا کر بحفاظت بازیاب کیا جائے۔ اس خاندان کو مزید ہراسانی، دباؤ اور ریاستی جبری کارروائیوں سے تحفظ فراہم کیا جائے، جبکہ گھر کی مسماری، معاشی نقصان اور مسلسل چھاپوں کے ذمہ داروں کا احتساب کیا جائے۔

بلوچ خواتین کو مسلسل جبری گمشدگیوں کا نشانہ بناکر جبری بیانات درج کروانا بلوچستان میں ریاستی بیانیے کے شکست کی علامت ہے بلوچ یکجہتی کمیٹی بلوچستان کے ضلع کیچ کے علاقے سنگ آباد کرکی کیچ میں ریاستی فورسز نے 28 جولائی 2026 کو عارف عیسیٰ کے گھر پر غیر قانونی چھاپہ مار کر وہاں موجود شہناز بلوچ، شراناز عارف، عارف عیسیٰ ، شہناز کی ماں ، دو بہن، چاچی اوربھائی مہیم بلوچ کو جبری طور پر اپنے ساتھ لے گئے بعدازان باقی افراد کو رہا کیا گیا لیکن عارف عیسی، شہناز اور شراناز کو جبری گمشدہ رکھا گیا۔ اس سے قبل 18 جون 2026 کو بھی شہناز کے گھر پر چھاپہ مارا گیا تھا، جہاں شہناز اور شراناز کو ایک ماہ تک حراست میں رکھا گیا اور بعد ازاں رہا کیا گیا۔ اور اس سے پہلے ریاستی سرپرستی میں کام کرنے والے ڈیتھ اسکواڈ نے شہناز کے شوہر آصف بلوچ کو 8 مارچ 2026 کو قتل کیا تھا۔ اب ایک ماہ سے زائد جبری گمشدگی کے بعد شراناز اور شہناز بلوچ کو حکومت بلوچستان کے اہلکاروں کے ساتھ فرضی ناموں کے ساتھ جبری پریس کانفرنس کراکر ریاستی بیانیے کو فروغ دینے کی کوشش کی گئی۔ بلوچ خواتین کو جبری طور پر گمشدہ کرنے کے بعد جبری پریس کانفرنس کروانا نہ صرف ان کے بنیادی انسانی حقوق کی خلاف ورزی ہے بلکہ کئی دہائیوں سے مسلط کیے گئے ریاستی بیانیے کی کمزوری اور اسے برقرار رکھنے کے لیے اختیار کیے جانے والے جابرانہ طریقوں کو بھی ظاہر کرتا ہے۔ بلوچ یکجہتی کمیٹی بلوچ قوم سے اپیل کرتی ہے کہ اپنے جبری گمشدہ کئے گئے افراد کے کیسسز رجسٹر کروائیں تاکہ ریاستی اداروں کا جبر عیاں ہوتا رہے۔ اگر ہم خاموش رہے اور اپنے پیاروں کے کیسسز رجسٹر نا کرائے تو ریاست جبری طور پر لاپتہ کیے گئے افراد کو زبردستی پریس کانفرنسوں میں پیش کرکے بلوچستان میں جاری جبر کو اپنے ریاستی بیانیے کے طور پر پیش کرتی رہے گی،اور نوجوانوں کو جعلی مقابل میں قتل کرتی رہے گی۔ بلوچ یکجہتی کمیٹی بلوچ قوم اور پاکستان میں بسنے والی تمام اقوام سے اپیل کرتی ہے کہ مین اسٹریم میڈیا پر بلوچستان سے متعلق نشر ہونے والی خبروں پر یقین کرنے سے پہلے خود حقائق کی جانچ کریں۔ بلوچستان میں ہر روز ہونے والے انسانیت سوز مظالم کو جواز فراہم کرنے کے لیے جبری پریس کانفرنسز کروا کر جھوٹا بیانیہ عوام تک پہنچایا جا رہا ہے، اس لیے ضروری ہے کہ عوام سچ اور پروپیگنڈے میں فرق کریں اور حقائق کو خود جاننے کی کوشش کریں۔

𝗘𝗻𝗱 𝗘𝗻𝗳𝗼𝗿𝗰𝗲𝗱 𝗗𝗶𝘀𝗮𝗽𝗽𝗲𝗮𝗿𝗮𝗻𝗰𝗲𝘀! 1-Name: Mahjabeen 2-Father Name: Ghulam Mustafa 3-Age: 24 4-Profession: Student BS library science Balochistan University 5-Address: Washuk Basima 6-Date of abduction: 29/05/2025 7-Time of abduction: 3 AM 8-Place of abduction: Quetta civil hospital 9- Abductor CTD and MI #EndEnforcedDisappearances #StopBalochGenocide

𝗘𝗻𝗱 𝗘𝗻𝗳𝗼𝗿𝗰𝗲𝗱 𝗗𝗶𝘀𝗮𝗽𝗽𝗲𝗮𝗿𝗮𝗻𝗰𝗲𝘀! #EndEnforcedDisappearances #StopBalochGenocide