Botcha Satyanarayana

తాడేపల్లి శ్రీ వైయస్‌ జగన్‌ గారిని కలిసిన భీమిలి అసెంబ్లీ సమన్వయకర్త బొత్స అనూష గారు ఇటీవలే భీమిలి నియోజకవర్గ సమన్వయకర్తగా అనూషకు బాధ్యతలు అప్పగించిన వైఎస్సార్‌సీపీ తాడేపల్లిలోని వైఎస్సార్‌సీపీ కేంద్ర కార్యాలయంలో పార్టీ అధ్యక్షుడు, మాజీ ముఖ్యమంత్రి శ్రీ వైయస్‌ జగన్‌ను భీమిలి అసెంబ్లీ నియోజకవర్గ సమన్వయకర్త బొత్స అనూష మర్యాదపూర్వకంగా కలిశారు. భీమిలి అసెంబ్లీ నియోజకవర్గ సమన్వయకర్తగా బొత్స అనూషను నియమిస్తూ ఇటీవల వైఎస్సార్‌సీపీ అధ్యక్షుడు శ్రీ వైయస్‌ జగన్‌ ఆదేశాల మేరకు పార్టీ కేంద్ర కార్యాలయం అధికారిక ప్రకటన విడుదల చేసింది. ఈ నేపథ్యంలో శ్రీ వైయస్‌ జగన్‌ను కలిసిన బొత్స అనూష, తనపై నమ్మకం ఉంచి భీమిలి నియోజకవర్గ బాధ్యతలు అప్పగించినందుకు కృతజ్ఞతలు తెలిపారు. నియోజకవర్గంలో పార్టీ బలోపేతానికి కృషి చేస్తూ, నాయకులు, కార్యకర్తలను సమన్వయం చేసుకుని అందరినీ కలుపుకొని ముందుకు సాగుతానని తెలిపారు. భీమిలి ప్రజలకు అందుబాటులో ఉంటూ వారి సమస్యల పరిష్కారానికి కృషి చేస్తానని పేర్కొన్నారు. ఈ సందర్భంగా భీమిలి నియోజకవర్గంలో పార్టీ కార్యక్రమాలు, సంస్థాగత బలోపేతంపై బొత్స అనూషకు శ్రీ వైయస్‌ జగన్‌ పలు సూచనలు చేశారు.

బొత్స అనూష గారిని భీమిలి నియోజకవర్గం సమన్వయకర్తగా నియమించిన వైయస్‌‌ఆర్‌సీపీ అధ్యక్షులు @ysjagan గారు.

భీమిలి నియోజకవర్గంలో వైయస్ఆర్ కాంగ్రెస్ పార్టీకి బలమైన క్యాడర్ ఉంది. రాబోయే ఎన్నికల్లో ఐక్యంగా పనిచేయాలి వైయస్ఆర్ కాంగ్రెస్ పార్టీ భీమిలి నియోజకవర్గ స్థాయి విస్తృత కార్యవర్గ సమావేశం శుక్రవారం తగరపువలసలోని శ్రీ లక్ష్మీ శ్రీనివాస కళ్యాణ మండపంలో విశాఖపట్నం జిల్లా పార్టీ అధ్యక్షులు శ్రీ కేకే రాజు గారి అధ్యక్షతన ఘనంగా జరిగింది. సమావేశంలో శాసనమండలి ప్రతిపక్ష నేత బొత్స సత్యనారాయణ గారు, రీజినల్ కో-ఆర్డినేటర్ లు కురసాల కన్నబాబు గారు, గుడివాడ అమర్నాధ్ గారు, బీమిలి నియోజకవర్గ పార్టీ నాయకులు, కార్యకర్తలు కలిసి వెన్నుపోటు పార్టీ.. వెన్నుపోటు పాలన.. పోస్టర్‌ను ఆవిష్కరించారు. అనంతరం పార్టీ నాయకులకు వైయస్ఆర్ కాంగ్రెస్ పార్టీ ఐడీ కార్డులను అందజేశారు. ఈ సందర్భంగా శాసన మండలి ప్రతిపక్ష నేత, మాజీ మంత్రి శ్రీ బొత్స సత్యనారాయణ మాట్లాడుతూ..భీమిలిలో నాయకులు వెళ్లిపోయినా కార్యకర్తలు పార్టీని వీడలేదని, కార్యకర్తలకు వైయస్ జగన్ మోహన్ రెడ్డిపై ఉన్న అభిమానం, విశ్వాసానికి ఇదే నిదర్శనమని అన్నారు. వైయస్ఆర్ కాంగ్రెస్ పార్టీ తిరిగి అధికారంలోకి రావడం ఖాయమని ధీమా వ్యక్తం చేశారు. పార్టీలోకి వచ్చేవారు వస్తుంటారని, వెళ్లేవారు వెళ్తుంటారని, అయితే పార్టీకి కార్యకర్తలే అసలైన బలమని పేర్కొన్నారు. రాష్ట్రంలో ప్రస్తుతం దుర్మార్గమైన పాలన కొనసాగుతోందని, ప్రశ్నించే వారిపై కేసులు పెడుతున్నారని విమర్శించారు. పార్టీ రీజినల్ కోఆర్డినేటర్ శ్రీ కురసాల కన్నబాబు మాట్లాడుతూ..వైయస్ఆర్ కాంగ్రెస్ పార్టీకి వైయస్ జగన్ మోహన్ రెడ్డి, పార్టీ కార్యకర్తలే ప్రధాన బలమని అన్నారు. పార్టీ బలం రోజురోజుకు పెరుగుతోందని పేర్కొన్నారు. ఎన్నో ఒడిదుడుకులు, రాజకీయ ఇబ్బందులు ఎదురైనా వైయస్ జగన్ వెనుకడుగు వేయలేదని, కార్యకర్తల కోసమే నిరంతరం పోరాడుతున్నారని తెలిపారు. భీమిలి ప్రాంతంలో జరుగుతున్న భూ వ్యవహారాలపై ప్రభుత్వం స్పష్టత ఇవ్వాలని డిమాండ్ చేశారు. మాజీ మంత్రి శ్రీ గుడివాడ అమర్నాథ్ మాట్లాడుతూ..చంద్రబాబు రాజకీయ కుట్రలు, కుతంత్రాలు తెలిసిన నాయకుడు వైయస్ జగన్ మోహన్ రెడ్డి అని అన్నారు. గతంలో పలువురు ఎమ్మెల్యేలు, ఎంపీలు పార్టీని వీడినా జగన్ వెనుకడుగు వేయలేదని, అనంతరం 151 మంది ఎమ్మెల్యేలతో పార్టీని అధికారంలోకి తీసుకువచ్చారని గుర్తు చేశారు. ఒక నాయకుడు పార్టీని వీడితే వెయ్యి మంది నాయకులను తయారు చేసే సత్తా వైయస్ జగన్‌కు ఉందని అన్నారు. వైయస్ జగన్ పాలనలో అనేక మంది యువతకు అవకాశాలు, గుర్తింపు లభించాయని పేర్కొన్నారు. విశాఖపట్నం జిల్లా పార్టీ అధ్యక్షులు శ్రీ కేకే రాజు మాట్లాడుతూ..భీమిలి నియోజకవర్గంలో వైయస్ఆర్ కాంగ్రెస్ పార్టీకి బలమైన కేడర్ ఉందని, కేడర్ మొత్తం నాయకుడు వైయస్ జగన్‌తోనే ఉన్నామనే బలమైన సంకేతాన్ని ఈ సమావేశం ద్వారా పంపిందని అన్నారు. కష్టకాలంలోనూ పార్టీ జెండాను మోస్తూ, ప్రజల పక్షాన నిలుస్తున్న ప్రతి నాయకుడు, ప్రతి కార్యకర్త పార్టీకి వెన్నెముక అని కొనియాడారు. రాబోయే స్థానిక సంస్థల ఎన్నికల్లో పార్టీ శ్రేణులంతా ఐక్యంగా, సమన్వయంతో పనిచేసి వైయస్ఆర్ కాంగ్రెస్ పార్టీ బలాన్ని మరింత పెంచాలని పిలుపునిచ్చారు. ఈ సమావేశంలో మాజీ ఎమ్మెల్యేలు తైనాల విజయకుమార్, కరణం ధర్మశ్రీ, చింతలపూడి వెంకటరామయ్య, గాజువాక నియోజకవర్గ సమన్వయకర్త తిప్పల దేవన్ రెడ్డి, పార్టీ నాయకులు పెదబాబు, పోతున హనుమంతు, సంకరి గిరిబాబు, పోతిన శ్రీనివాసరావు, దాట్ల వెంకట సూర్యనారాయణ రాజు, బంకు సత్యం, రాంబాబు కొండబట్టు, గాడ్ శ్రీనివాసరావు, కోరాడ లక్ష్మణరావు, చెన్నా దాస్, అక్రమాన్ని రాము నాయుడు, ఏడుకొండలు, బోని బంగార్ నాయుడు, జి శ్రీనివాసరావు, భువన అప్పలనాయుడు, శివరామకృష్ణ మామిడి, జగ్గుపల్లి ప్రసాద్, భాస్కర్ రెడ్డి, నర్సింగ్ రావు, పోతున ప్రసాద్, పోలిరెడ్డి , కొలుసు ఈశ్వరరావు, కర్రీ అప్పలస్వామి, రాష్ట్ర, జిల్లా, నియోజకవర్గ స్థాయి నాయకులు, జడ్పీటీసీలు, ఎంపీటీసీలు, సర్పంచ్‌లు, పార్టీ కార్యకర్తలు పెద్ద సంఖ్యలో హాజరయ్యారు.