أحب الحديث عن الجنة ♥️ الجنة الآن تنبني، فيه اللي يبني فيها قصور، وفيه اللي يزرع فيها نخل، وفيه اللي يكنز فيها من الكنوز. ابني جنتك، كل شخص حولك قاعد يبني جنته في الخفاء والخلوات، محد راح يجيك ويقول لك: يلا قوم، يلا صل، يلا اذكر الله، يلا ابني جنتك. أنت إذا للحين ما استوعبت هذا الشي وما لحقت على نفسك، راح تتحسف على وقتك اللي قاعد يضيع بالتفاهات؛ لما تشوف الناس بيوم الحساب كل واحد أمن نفسه وأنت الوحيد اللي قصرت على نفسك وعباداتك عبادات جماعية ما تجتهد في العبادة إلا لما يجي رمضان أو تسافر لمكة، الله حي لا يموت، وموجود، ويسمعك ويشوفك ويعرف اللي بقلبك، لا تنطر مواسم العبادة عشان تعبد الله، داوم على العبادات ترى هي لياقة تكتسبها بكثرة المداومة والالتزام والاستمرارية وتكبر وتعيش عمرك كله تصير العبادات سهلة لأنك اسست نفسك في عمر الشباب وعوّدت نفسك على تلاوة القرآن وقيام الليل والصيام والذكر والدعاء وغيره من العبادات.