ᴬ

هب نسناس الهوى و ذاعه و انتشى الخفّاق في الحينا ساق لي من ريحة أرباعه نفحةٍ فيها رياحينا زارني طيفه على الساعه و انجلى همّي مع البينا مالكٍ قلبي و مرباعه له محلٍّ في الشرايينا بيننا الأيام شفّاعه و الغلا يكبر و يغنينا فرد ما فالبيض من لاعه بين خلق الله يسبينا من عمامه ماخذ اطباعه و من خواله ماخذ الزينا كاسبٍ بالعزّ مطلاعه ورث جدّانه المسمّينا ما سمعت العذل و اتباعه لو حكوا فينا المغلّينا النفس يا كم ملتاعه ظاميه و البعد يضنينا منيتي و النفس قنّاعه شوف من هو قرّة العينا ساعةٍ نلتمّ بإجماعه تجبر الخاطر و تحيينا كل نبضه فيه طمّاعه ترتجي لمّة أيادينا و العمر تحلى به اوضاعه و السعاده من حوالينا