ᴬ

هب نسناس الهوى و ذاعه و انتشى الخفّاق في الحينا ساق لي من ريحة أرباعه نفحةٍ فيها رياحينا زارني طيفه على الساعه و انجلى همّي مع البينا مالكٍ قلبي و مرباعه له محلٍّ في الشرايينا بيننا الأيام شفّاعه و الغلا يكبر و يغنينا فرد ما فالبيض من لاعه بين خلق الله يسبينا من عمامه ماخذ اطباعه و من خواله ماخذ الزينا كاسبٍ بالعزّ مطلاعه ورث جدّانه المسمّينا ما سمعت العذل و اتباعه لو حكوا فينا المغلّينا النفس يا كم ملتاعه ظاميه و البعد يضنينا منيتي و النفس قنّاعه شوف من هو قرّة العينا ساعةٍ نلتمّ بإجماعه تجبر الخاطر و تحيينا كل نبضه فيه طمّاعه ترتجي لمّة أيادينا و العمر تحلى به اوضاعه و السعاده من حوالينا

نسيم الوصل هب و فاح فلّه سرى بروح المعنّى في ركاده لخلٍّ شوف زوله فرض حلّه سلب لب الفواد و خذ قياده تربّع في خفوقي و استحلّه مسطّر في شراييني وداده شرات البدر في ليله محِلّه سفر نوره و غاروا في بلاده عليه الحسن مجموعٍ بكلّه فريد الوصف في طبعه و معاده إذا سلهم بطرفه و استهلّه يضيع الفكر و يخالف رشاده و إذا مر النسيم أرفق بظلّه يخاف يلامس اطرافه براده حديثه شهد يبري كل علّه شفا للروح و لـ سمعي سعاده نديّ الطبع ما يضمى مِظلّه سقى روض الحشا صافي مراده ملك هالقلب في دقه و جلّه بلا جيشٍ ولا خيل و عتاده طويت الدرب لعيونه و ادلّه لو ان الوصل دونه ألف عاده صفى لي و الغلا ما فيه زلّه و على مر الزمن يثبت عماده اشوفه دنيتي و الخير كلّه نفس عمري و شريانه و زاده عهد مني فلا يومٍ أملّه و يظل الحب له مثل العباده