🇷🇼𝐑𝐘𝐕𝐂𝐏 𝐖𝐄𝐒𝐓𝐄𝐑𝐍 𝐏𝐑𝐎𝐕𝐈𝐍𝐂𝐄🇷🇼

IBYO H.E PAUL KAGAME: YATUGEJEJEHO MU KUBAKA, GUKUMIRA NO GUSIGASIRA UMUUTEKANO W’U RWANDA KOKO Kuva aho ingabo za RPF Inkotanyi zihagarikiye Jenoside yakorewe Abatutsi mu 1994, Perezida **Paul Kagame** yagize uruhare rukomeye mu kubaka inzego z’umutekano, kugarura ituze no gushimangira umutekano urambye w’u Rwanda. Umutekano n’imiyoborere myiza byabaye umusingi ukomeye w’iterambere igihugu kimaze kugeraho mu nzego zitandukanye. Mu myaka yakurikiye ihagarikwa rya Jenoside, u Rwanda rwashyize imbaraga mu kubaka inzego z’umutekano zifite ubushobozi, ubunyamwuga n’inshingano zo kurinda abaturage n’ubusugire bw’igihugu. Ibikorwa by’ingenzi byagezweho mu rwego rw’umutekano bikubiye mu ngingo zikurikira: 1. Guhagarika Jenoside no kugarura ituze mu gihugu Perezida Paul Kagame yayoboye urugamba rwo guhagarika Jenoside yakorewe Abatutsi mu 1994, hagamijwe kurokora abari mu kaga no guhashya ingabo zakoze Jenoside, mu gihe amahanga yananiwe guhagarika ubwo bwicanyi. Mu myaka yakurikiyeho, u Rwanda rwahuye n’ibitero by’abacengezi baturukaga mu burasirazuba bwa Repubulika Iharanira Demokarasi ya Congo (DRC), barimo abasize bakoze Jenoside n’imitwe yitwaje intwaro yari igamije guhungabanya umutekano w’igihugu, cyane cyane mu majyaruguru no mu burengerazuba. Inzego z’umutekano z’u Rwanda zakoze ibikorwa byo guhangana n’izo ngero z’ibitero, hagamijwe kurinda abaturage no gusigasira ubusugire bw’igihugu. 2. Kubaka inzego z’umutekano z’umwuga U Rwanda rwashyize imbaraga mu kubaka igisirikare cy’umwuga, ari cyo Rwanda Defence Force (RDF), n’Urwego rw’Igihugu rw’Ubugenzacyaha na polisi yu Rwanda mu rwego rwo kurinda umutekano w’abaturage n’uw’igihugu. Hashyizweho kandi gahunda zo guhuza no gusubiza mu buzima busanzwe abahoze mu mitwe yitwaje intwaro, ndetse n’abahoze mu zindi nzego za gisirikare, binyuze muri gahunda zitandukanye z’isanamitima, ubwiyunge no gusubiza abantu mu buzima busanzwe, hakurikijwe gahunda zashyizweho. U Rwanda kandi rwashimangiye uruhare rw’abaturage mu kwicungira umutekano binyuze mu nzego zunganira izindi, zirimo DASSO, irondo ry’umutekano n’izindi gahunda zishingiye ku bufatanye hagati y’abaturage n’inzego zibishinzwe. Ibi byafashije kwimakaza ihame ry’uko umutekano ari inshingano ihuriweho n’inzego za Leta n’abaturage.