عبدالله الهاشمي

الله لو تدرك معي فقط هالنقطة .. وهي انك تفصل الاندماج بين شعورك وجسدك فلما يجيك أي شعور منخفض حزن غضب ضيق اللي يكون مو لازم جسدك يشارك في الحفلة واعرف الموضوع مو سهل وصعب ومحتاج تذكير وفترة ممكن تطول عشان توصل لهذا الشئ خاصة اذا كان التراكمات قديمة ومعقدة .. الفكرة إنه اذا نزلت مشاعرك بالبداية وجه انتباهك لجسدك قبل مشاعرك بتلاحظ إنه مشدود انفاسه ضعيفه ثقيل تنفس خلي جسدك يرخي فلما يهدأ وجه انتباهك بدون تفاعل لشعور ، الكثير عنده اعتقاد راسخ انه مستحيل يسترخي الجسد طالما الشعور المنخفض موجود لذلك ينتظر مشاعره تتحسن حتى يهدأ فيطول انتظاره، انا جاي اقولك العكس هو الصحيح من جسدك تتحس مشاعرك فاللي يصير بعد السيادة في هالموضوع يصير الشعور المنخفض عابر ياخذ وقته ماعاد اكون عبد له .. العقبة الوحيدة هو العقل ماراح تعجبه هذي الاستنارة فلما يحيك شعور منخفض قوي يقولك هالفكرة ماتشتغل شوف غيرها ابحث عن حلول أقوى ابحث عن انقاذ، وعادي انك تصدق هالشئ مو مشكلة ولكن تذكر لاحلول أقوى من الوعي من السماح من التسليم واضحة؟ :)