keep breathing

أحمد عابدين: كنت باتفرج من شوية على افتتاح القمة المصرية الروسية، والحقيقة مش فاهم ايه دة؟ يعني روسيا سلمت #اثيوبيا مقاتلات وأنظمة دفاع جوي وتلميحات لطائرات تزود بالوقود قبل وصولك بساعة ومش شايف أي اهانة في دة؟ ورايح تعمل قمة وتقول كلمتين ومفاعل نووي ومدينة صناعية روسية. ازاي طيب؟ انت انصعت لضغوط الأمريكان، وخسرت الروس بعد ما تراجعت عن صفقة السوخوي والدفاع الجوي، وفي طريقك لخسارة الصين بعد ما تخليت عن صفقات المقاتلات الجي ١٠ والجي ١٦، وطلعت لواء عنده ٨٠ سنة يقول معلومات خاطئة استدعت ان وزير الدفاع الصيني نفسه يطلع يكدبه. وبعد كل دة الأمريكان رفضوا حتى يدوك صاروخ واحد عليه القيمة، وسايبين اسطول مقاتلات الاف ١٦ يقدم ويبقى أقدم طراز في العالم كله. وبعد الحفاظ امريكا على تفوق اسرائيل عليك لعقود، حاليا في طريقنا لوضع زفت مع اثيوبيا اللي بتقول بشكل واضح وصريح على لسان كل المسؤولين ان غرضها منع الماية عنك واذلالك. وانت ماسكلي في ان مصر لن تسمح ومصر لن ترضى، ولن يتم فرض أمر واقع، ما الأمر الواقع مفروض عليك بقالك ١٢ سنة من ساعة ما سمعت كلام ابن زايد ومضيت لهم على اتفاق المبادئ رغم تحذير الاجهزة والمؤسسات، ودلوقتي ابن زايد بيسلحهم عشان يهينا زي ما سلح الدعم السريع وأهانونا كلنا في شمال السودان. ابعتولنا يا جماعة الاسكريبت اللي اتوزع ع اللجان نشوف الصقور والنسور والحدايات بيقولوا ايه واحنا بنسف تراب كدة من أسافل الكوكب