Makarand Desai

कर्नाटक सरकारने त्यांच्या राज्यातील पेट्रोल पंपांवर विकल्या जाणाऱ्या इथेनॉलमिश्रित पेट्रोलबाबत नुकताच एक अहवाल प्रकाशित केला आहे. त्यांच्यामार्फत सँपल बेसिसवर कर्नाटक राज्यातील काही पेट्रोल पंप तपासले गेले. त्यात पुढीलप्रमाणे धक्कादायक प्रकार आढळून आल्याचं कर्नाटक सरकारने जाहीर केलं आहे: १. सँपल टेस्टिंगमध्ये आढळून आल्यानुसार बऱ्याच ठिकाणी E20 म्हणून २०% पेक्षा अधिक प्रमाणात इथेनॉल मिश्रण असलेलं पेट्रोल विकलं जात होतं. २. यातील सर्वाधिक इथेनॉल मिश्रणाचं प्रमाण हे इंडियन ऑईल (३१.२%) आणि हिंदुस्तान पेट्रोलियम (३०.५%) या सरकारी कंपन्यांच्या पंपांवर आढळून आलं. वरील निरीक्षणं आणि संबंधित अहवालाबाबत कर्नाटक सरकारने अधिकृतपणे भूमिका घेत या अधिकच्या इथेनॉल मिश्रणाबाबत गंभीर प्रश्न उठवले आहेत. कर्नाटक सरकारचे ग्राहक संरक्षण मंत्री रिझवान अर्शद यांनी एकूण ६३ सँपल तपासून हा अहवाल मुख्यमंत्री डी. के. शिवकुमार यांना सादर केल्याची माहिती दिली आहे. हा अहवाल जनतेसमोर मांडल्याबद्दल कर्नाटक सरकारचे विशेष आभार... याआधीही इथेनॉलमंत्री हिज हायनेस लॉर्ड नितीन गडकरी यांच्या भ्रष्ट आणि देशविघातक इथेनॉल धोरणाबाबत सातत्याने लिहिलं आहे. हे एकंदर धोरण मुळातच अनाठायी आणि अन्यायकारक आहे. त्यात आता कर्नाटक सरकारने मांडलेला हा धक्कादायक अहवाल बघता तुम्हाला इथेनॉल धोरणाच्या नांवाने आपल्या देशात कोणत्या प्रकारचा स्कॅम सुरू आहे, याचा नीट अंदाज येईल अशी अपेक्षा आहे! एक गोष्ट इथे खास अधोरेखित केली पाहिजे ती अशी की भारतातील सध्या रस्त्यावर असलेल्या गाड्यांपैकी लक्षणीय प्रमाणातील गाड्या या मुळात २०% इथेनॉल मिश्रित पेट्रोल वापरण्यासाठी डिझाईन केलेल्या नाहीत. त्यांना E10 सर्टिफिकेशन असूनही सरकार त्या गाड्यांना सक्तीने E20 पेट्रोल भरायला लावत आहे. त्यात भर म्हणजे E20 असं सांगून सरकारी कंपन्या प्रत्यक्षात जर ३०% हून अधिक इथेनॉल मिश्रित पेट्रोल विकत असतील तर या गाड्यांना अधिकचं नुकसान होणार ही गोष्ट कोणालाही सहज लक्षात येईल... इथेनॉल धोरण हा मोदीकाळातील सर्वात मोठा भ्रष्टाचार आहे असं म्हणता येईल. लॉर्ड गडकरी यांनी स्वतःच्या खासगी स्वार्थासाठी आणि त्यांच्या मस्तवाल अहंकारी वृत्तीपायी या देशावर हे धोरण सक्तीने लादलं आहे! मोदी सरकारमधील पेट्रोलियम मंत्री असलेले (आणि एकेकाळी एपस्टीनला प्रत्यक्ष भेटून आलेले) हरदीप पुरीसुद्धा यात सामील आहेत. या मंत्र्यांनी मिळून, पंतप्रधान मोदींच्या आशीर्वादाने भारतीय जनतेची अशाप्रकारे उघड फसवणूक चालवली आहे. तुम्ही रोज गाडीत पेट्रोल भरत असाल तर तुम्ही या मुद्द्यावर बोललं पाहिजे! आणि तुमच्याकडे स्वतःची पेट्रोलवरची गाडी नसेल तरी तुम्ही या देशाचे नागरिक म्हणून इथेनॉल भ्रष्टाचाराच्या मुद्द्यावर बोलायची गरज आहे. भारतीय नागरिकांना केंद्र सरकारकडून असं राजरोसपणे फसवलं जात असल्याचा तुम्हाला थोडा तरी सात्विक संताप येईल आणि तुम्ही तुमच्याकडे उपलब्ध असलेल्या माध्यमांवर तो स्पष्टपणे व्यक्त कराल इतकी किमान अपेक्षा ठेवून ही पोस्ट लिहिली आहे. लॉर्ड गडकरींच्या राक्षसी ताकदीला, अंधभक्तांच्या टोळ्यांना आणि आयटी सेलच्या ट्रोलिंगला घाबरून देशहिताचे मुद्दे मांडायचे थांबवू नका! सत्ताधारी देशाला असं राजरोस लुबाडत असताना न घाबरता त्याविरोधात बोलावं याहून वेगळी देशभक्ती अशी फारशी नसतेच!! - मकरंद देसाई #इथेनॉल