پختونخوا میں تجاوزات کے خلاف آپریشن کے نام پر جس طرح غریبوں کے ان ریڑھیوں، چھوٹے سٹالز اور سڑک کنارے لگی روزی روٹی کی جگہوں کو تاراج کیا جا رہا ہے، اس سے یہ سوال پھر ذہن میں ابھرتا ہے کہ عوام کے لیے سیاسی نمائندہ قوتوں کا وجود کیوں ضروری ہے؟ ریاستی بیوروکریسی اور انتظامیہ کا بنیادی فریم ورک آج بھی کالونیل (نوآبادیاتی) اصولوں پر قائم ہے، جہاں عام شہری کو "رعایا" اور خود کو "حاکم" سمجھا جاتا ہے۔ بیوروکریسی کو ووٹ کا خوف نہیں ہوتا، اس لیے ان کی قانون کی بالا دستی کی پرفارمنس بلڈوزر جسٹس کی صورت تباہی پھیرتی ہے دراصل سیاسی نمائندہ قوتیں ریاستی انتظامیہ اور عوام کے بیچ بفر (Buffer) کا کام کرتی ہیں جو ننگی طاقت کے بے دردی سے استعمال سے روکتی ہیں اس نقطہ نظر کو سمجھنے کے لیے کراچی کے بلدیہ ٹاؤن (سعید آباد) کے ایک بند کباب ریڑھی والے کا سیاسی ادراک اور معاشی حساب کتاب دیکھنا کافی ہے ایم کیو سے مائنس الطاف کے بعد جب بلدیاتی انتخابات ہوئے اور وسیم اختر میئر بنے، تو میں نے اس بن کباب کی ریڑھی والے سے پوچھا: "تم نے کسے ووٹ دیا؟" اس نے جواب دیا: "ایم کیو ایم کو۔" میں نے مسکرا کر کہا: "کیوں؟ ان کا تو نظام بکھر چکا ہے، الطاف حسین مائنس ہو چکے ہیں، آپس میں لڑائیاں ہیں۔" اس کا جواب انتہائی سادہ مگر آنکھیں کھول دینے والا تھا: "سرکار ہمارے پاس اور چوائس کیا ہے؟" اس نے اپنی مثال سے بات واضح کی: "جب یہاں ایم کیو ایم کا یونٹ پوری طرح متحرک تھا، تو ہر روز یونٹ سے ایک لڑکا آتا تھا اور 20 روپے کی پرچی پکڑاتا تھا اکثر جان پہچان کا ہوتا، ہم بیس روپے پکڑا کر ایک آدھ گالی بھی نکالتے کہ یہ لے بین چود پکڑ اس سب کا مہینے کا کل 600 روپیہ بنتا تھا، چھوٹی عید پر فطرانہ، بڑی پر کھال ساتھ تھی ان سب کے بدلے میں فائدے کیا تھے؟ پولیس تنگ نہیں کرتی تھی، ایکسائز اور بلدیہ والے ٹانگ نہیں اڑاتے تھے، ہم سکون سے سڑک کنارے ریڑھی لگا کر اپنی روزی روٹی کما لیتے تھے، رات دیر سے گھر جاتے تو پولیس کا ڈر نہیں تھا. اب جب سے وہ سسٹم ختم ہوا ہے، حالات بہت خراب ہیں، وہ دیکھو، سامنے پولیس کی گاڑی کھڑی ہے؛ یہ روز کے 100 سے 150 لے جاتے ہیں، کبھی کھانے پینے کی صورت میں، تو کبھی کیش، ہفتہ وار بھتے کی صورت میں تھانے الگ 1000 سے 1500 رقم بھجوانی پڑتی ہے۔ اور پھر بھی کچھ ہفتے بعد ریونیو والوں کے ساتھ سرکار کا ٹرک آتا ہے، ریڑھی اٹھا کر لے جاتا ہے، جسے چھڑوانے کے لیے پانچ چھ ہزار الگ بھرنے پڑتے ہیں مہینے کا حساب لگاؤں تو 8 سے 10 ہزار روپیہ سرکاری محکموں کی نذر ہو جاتا ہے۔ اب آپ بتائیں! دن کے چند سو کمانے والے کے لیے وہ 600 روپے دے کر تحفظ پانا اچھا تھا، یا ایم کیو ایم کے ختم ہونے کے بعد بیوروکریسی اور سرکاری محکموں کے رحم و کرم پر رہ کر 10 ہزار لٹانا اچھا ہے؟" پشاور میں پاکستان تحریک انصاف کا تیرہ سالہ بندوبست کیا ٹوٹا ہے، سرکاری انتظامیہ کی چاندی ہوگئی ہے، پہلے مرحلے میں انتہائی ظالمانہ آپریشن، پھر شاید سودے بازی ہو اور ریٹ طے ہو جائے. کالونیل ذہنیت سب کو سوٹ کرتی ہے، بس سیاسی بندوبست کسی حد تک عوامی بارگیننگ کی گنجائش بڑھا دیتی ہے، اسی لیے صاح. لوگ اور بابو صاحبان کو سخت ناپسند ہے #Pakhtunkhwa #Karachi #Colonialism #GovernorRaj